जळगाव लाईव्ह न्यूज । २ नोव्हेंबर २०२१ । मूळ उत्तरप्रदेशातील व सध्या जळगावात वास्तव्यास असलेल्या तरुणाने एका अल्पवयीन मुलीस फूस लावून पळवून नेल्याची घटना घडली आहे. याप्रकरणी जळगाव तालुका पोलीस ठाण्यात गुन्हा दाखल करण्यात आला आहे.
अजय पप्पु सोनकर (रा.करंदा, ता.मडीहान, जि. मिर्झापूर, उत्तरप्रदेश, ह.मु.आर.एन.दुध संकलन केंद्र, जळगाव) असे गुन्हा दाखल करण्यात आलेल्या संशयित तरुणाचे नाव आहे. आव्हाणे शिवारातील रेल्वे लाईन जवळील आर.एन.दुध संकलन केंद्राजवळ १४ वर्षीय मुलगी आपल्या कुटुंबियांसह राहते. २४ ऑक्टोंबर रोजी सकाळी ६ वाजेच्या सुमारास राहत्या घराजवळून या तरुणाने अल्पवयीन तरुणीला फूस लावून पळवून नेल्याचा आरोप आहे. याप्रकरणी पीडीत मुलीच्या वडीलांच्या फिर्यादीवरून जळगाव तालुका पोलीस ठाण्यात गुन्हा दाखल करण्यात आला आहे. पुढील तपास हवालदार अनिल तायडे करीत आहेत.
