जळगाव लाईव्ह न्यूज । १६ मार्च २०२१ । शहराचे आमदार तथा भाजप ग्रामीण जिल्हाध्यक्ष राजुमामा भोळे यांच्या कारभाराला कंटाळून भाजपचे काही नगरसेवक नाराज आहेत. भाजपचे नेते आ.गिरीष महाजन यांच्यासह स्थानिक नेत्यांना वारंवार सांगून देखील त्यांनी दखल न घेतल्याने काही नगरसेवक नॉट रीचेबल झाले आहेत.
जळगाव भाजप ग्रामीण जिल्हाध्यक्ष आ.राजुमामा भोळे यांच्याविरुद्ध नेहमी २ गट मनपात सक्रिय होते. आ.भोळे विरुद्ध अनेकवेळा त्या गटातील नगरसेवकांनी उघडपणे नाराजी देखील बोलून दाखवली होती. आ.भोळे यांच्याकडून मिळणारी वागणूक आणि केला जाणारा भेदभाव योग्य नसल्याने काही नगरसेवक नाराज होते. नाराज नगरसेवकांनी याबाबत वारंवार नेते आ.गिरीष महाजन, आ.चंदूभाई पटेल, श्रीराम खटोड यांच्याकडे नाराजी बोलून देखील दाखवली होती. सध्या महापौर, उपमहापौर निवडीच्या निमित्ताने मनपात सत्तांतर करण्याच्या हालचाली जोर धरू लागल्या असून हीच संधी साधत भाजपचे अनेक नगरसेवक नॉटरीचेबल झाले आहेत.
जळगाव लाईव्ह न्यूजने याबाबत भारत सपकाळे यांना याबाबत विचारणा केली असता त्यांनी आ.राजुमामा भोळे यांच्याविरुद्ध उघडपणे नाराजी जाहीर केली. सध्या तरी शिवसेनेत कुणीही जाणार नसल्याचे त्यांनी स्पष्ट केले आहे मात्र काही नगरसेवक नॉटरीचेबल असल्याचे तर्कवितर्क लढविले जात आहे.
हे देखील वाचा :
माजी मंत्री आ.महाजनांसह भाजपचे नगरसेवक ‘या’ शहरात तळ ठोकून! फोटो झाले व्हायरल…
जळगावात भाजपमध्ये मोठी फूट : माजी महापौर ललित कोल्हे शिवसेनेत?
नाथाभाऊंचा गिरीशभाऊंना दे धक्का? महापालिकेतील काही नगरसेवक ‘नॉट रिचेबल’
