fbpx

नाथाभाऊंचा गिरीशभाऊंना दे धक्का? महापालिकेतील काही नगरसेवक ‘नॉट रिचेबल’

जळगाव लाईव्ह न्यूज । १४ मार्च २०२१ । महापालिकेतील महापौर निवडीचा गोंधळ वाढत असतांना अचानक भाजपमधील काही नगरसेवक ‘नॉट रिचेबल’ झाल्याने खळबळ उडाली आहे. काही जाणकारांच्या मते ‘नॉट रिचेबल’ नगरसेवक एकनाथराव खडसेंच्या गोटात सामील होण्याची शक्यता आहे.

महापौर भारती सोनवणे व उपमहापौर सुनील खडके यांचा कार्यकाळ संपल्यानंतर भाजपमधील इच्छुकांनी लॉबीक सुरू केली आहे. त्यानुसार नवीन भाजपात महापौर निवडीची प्रक्रिया सुरू झाली आहे. भाजपचे स्पष्ट बहुमत असल्यामुळे भाजपाचा महापौर बनणार असल्याचे निश्‍चित मानले जात होते. परंतु आज अचानक नगरसेवक ‘नॉट रिचेबल’ झाल्याचे कळताच भाजप नेत्यांची मोठी धावपळ सुरु झाली आहे.

mi advt

महापौर व उपमहापौरपदाची निवड १८ मार्च रोजी होणार आहे. महापालिकेत आजवर माजी मंत्री आ. गिरीश महाजन यांचा शब्द आजवर अंतीम मानला जात होता. परंतु गेल्या काही दिवसात पक्षातील गटबाजी उघडपणे समोर येत आहे. त्यातच राष्ट्रवादीचे महानगराध्यक्ष अभिषेक पाटील यांनी महापालिकेत सत्तांतर होऊ शकते असे संकेत दिल्याने चर्चांना उधाण आले आहे.

दरम्यान, जिल्ह्यातील शिवसेनेच्या एका बड्या नेत्याच्या फार्म हाऊसवर बैठक झाल्यानंतर अचानक काही नगरसेवक हे ‘नॉट रिचेबल’ झाले आहे. यामागे एकनाथ खडसे असल्याचे काही नेत्यांनी खाजगीत बोलतांना सांगितले.

हे देखील वाचा :

महापौर निवडणुकीत ट्विस्ट : शिवसेनेने दाखल केला उमेदवारी अर्ज

जळगाव मनपातील सत्तांतरच्या चर्चा ‘फुसका फटका’

गिरीषभाऊ… महापौर बदलाचा जुगार खेळू नका !

बातमी शेअर करा

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा

टेलिग्रामफेसबुकट्विटरइंस्टग्राम युट्युबगुगल न्यूज