जळगाव लाईव्ह न्यूज । १४ नोव्हेंबर २०२५ । बिहार विधानसभा निवडणुकीचा निकाल आज शुक्रवारी जाहीर केला जात असून यासाठी सकाळी ८ वाजता मतमोजणी सुरू झाली. दरम्यान सुरुवातीच्या कलांनुसार एनडीएने मोठी आघाडी घेतली आहे. बिहारच्या निवडणुकीत नितीश कुमार हेच बाहुबली ठरताना दिसत आहेत. सुरुवातीचे जे कल येत आहेत. त्यात पुन्हा नितीश सरकारच सत्तेत येताना दिसत आहे.
एनडीएला १८४ जागांवर, महाआघाडी ५१ जागांवर आणि इतर ८ जागांवर आघाडीवर आहेत. आतापर्यंच्या कलानुसार जेडीयू बिहारमधील सर्वात मोठा पक्ष ठरला आहे. सकाळी ११ वाजेच्या कलांनुसार जेडीयूला ८१ जागांवर आहे. तर भाजप ७८ जागांवर आघाडीवर आहे. सुरुवातीच्या कलांनुसार एनडीएला स्पष्ट बहुमत मिळत असल्याचे आकड्यावरून दिसत आहे. बिहार निवडणुकीमध्ये कॉंग्रेसला सर्वात मोठा झटका बसला आहे. काँग्रेस फक्त ६ जागांवर आघाडी घेतली
बिहारमध्ये २४३ मजागांसाठी दोन टप्प्यामध्ये मतदान झाले होते. आज मतमोजणी सुरू असून ४६ मतदान केंद्रांवर मतमोजणी सुरू आहे. सर्व मतदान केंद्राबाहेर मोठी गर्दी झाली आहे. सकाळी ११ वाजेपर्यंतच्या निकालानुसार एनडीएने बहुमताचा जादुई आकडा पार केला आहे. बहुमतासाठी १२२ जागांवर विजयी होणं गरजेचे आहे. सुरुवातीच्या कलांनुसार एनडीएला १८४ जागांवर आघाडी घेतली आहे. अब चौथी बार नितीश सरकार ही घोषणा खरी होताना दिसत आहे. नितीश कुमार यांच्यासाठी ही आनंदवार्ता आहे.
