जळगाव लाईव्ह न्यूज । २७ जून २०२४ । अर्थसंकल्पात सोन्या-चांदीवरील आयात शुल्कात ५ टक्क्यांपर्यंत कपात होण्याची शक्यता आहे. उद्योग तज्ज्ञ आणि अर्थ मंत्रालयाशी संबंधित सूत्रांनी दिलेल्या माहितीनुसार, सरकार आयात शुल्क 15 टक्क्यांच्या खाली आणण्याचा गांभीर्याने विचार करत आहे, जेणेकरून शुल्क वाढवल्यानंतर सोन्याच्या वाढत्या तस्करीला आळा घालता येईल. सोन्या-चांदीवरील सध्याचे 15% शुल्क 5% ते 10% कमी केले तर सोन्या-चांदीच्या किमती खाली येतील.
सूत्रांनी दिलेल्या माहितीनुसार, जुन्या सोन्याची विक्री करताना ग्राहकांना जीएसटीमध्ये काही सवलती मिळायला हव्यात, ज्यामुळे आयात कमी होईल आणि सरकारच्या तुटीवरचा ताण कमी होईल, अशीही चर्चा आहे. इंडस्ट्रीनुसार, या पायरीमुळे सोन्यामध्ये सुमारे 3000 रुपयांची आणि चांदीमध्ये 3800 रुपयांपर्यंत घसरण होऊ शकते.
या पाऊलामुळे तस्करीला आळा बसेल. सरकारने GST 18% आणि कस्टम ड्युटी शून्यावर आणल्यास तस्करी पूर्णपणे थांबू शकते. जुने सोने देताना 3% GST काढून टाकल्यास हे प्रोत्साहन मोठे असेल, ज्यामुळे सोन्याची आयातही कमी होईल. तथापि, एचडीएफसी सिक्युरिटीजचे कमोडिटी आणि करन्सी हेड अनुज गुप्ता यांचे मत आहे की, शुल्क कमी केल्याने किमती फार कमी होणार नाहीत.
जळगावात सोने-चांदीचा आज काय आहे भाव?
दरम्यान, जळगावात दोन दिवसात चांदी दरात मोठी घसरण झाली आहे. जवळपास २ हजार रुपयांहून अधिकची घसरण झाली आहे. यामुळे सध्या चांदीचा दर विनाजीएसटी ८८ हजार रुपयावर आला आहे. दुसरीकडे सोन्यात किंचित वाढ झाली आहे. बुधवारी सकाळच्या सत्रात ७२ हजार रुपयाच्या खाली गेलेला सोन्याचा दर पुन्हा ७२ हजार रुपयावर पोहोचला आहे.
