जळगाव लाईव्ह न्यूज । ३० डिसेंबर २०२१ । पारोळा येथील नगरपालिकेत भगवान चौधरी हे सफाई कामगार म्हणून कार्यरत होते. त्यांचे दुःखद निधन झाल्याने चौधरी कुटुंबावर मोठा आघात झाला होता. वडिलांसोबत काही काळाने आईचेदेखील निधन झाल्याने या कुटुंबातील सतीश चौधरी हा युवक एकटा पडला होता. वडिलांच्या जागेवर नोकरी मिळावी म्हणून सतीशने आपली समस्या नगराध्यक्ष करण पाटील यांच्याकडे मांडली. याची तात्काळ दखल घेत नगराध्यक्ष पाटील यांनी शासन दरबारी पाठपुरावा करून त्याला विवाहातच नोकरीचे जॉईनिंग लेटर दिले. या घटनेमुळे चौधरी कुटुंबाला सुखद धक्का बसला.
सतीश चौधरी या युवकाला कायमस्वरूपी नोकरी मिळाल्याने नगराध्यक्ष पाटील यांचे चौधरी कुटुंबियांनी व नातलगांनी आभार मानले. भगवान चौधरी यांनी पालिकेत काम करत असताना लौकिक मिळवला होता. मात्र अचानकपणे त्यांचे निधन झाल्याने सर्वांनाच धक्का बसला होता. मुलांना उच्चशिक्षित करण्याचे त्यांचे स्वप्न अपूर्ण राहिले. पालिकेत भगवान चौधरी यांच्या जागेवर त्यांचा मुलगा सतीश याला रुजू करावे, अशी कुटुंबाची इच्छा होती. मात्र योग्य पाठपुरावा होत नसल्यामुळे गेल्या अनेक वर्षांपासून हा विषय प्रलंबित होता. ही बाब नगराध्यक्ष करण पाटील यांच्या लक्षात चौधरी कुटुंबीयांनी आणून दिली. त्याची दखल घेत नगराध्यक्ष पाटील यांनी क्षणाचाही विलंब न करता पाठपुरावा करून, सतीशला वडिलांचा जागेवर शिपाई म्हणून नोकरी दिली. यासाठी मुख्याधिकारी ज्योती पाटील, कार्यालयीन अधीक्षक संघमित्रा संदानशिव, लिपिक लांबोळे यांच्या मदतीने योग्य तो पाठपुरावा करण्यात आला. अखेर सतीश चौधरी यास त्याच्या लग्नातच नोकरीचे जॉईनिंग लेटर देण्यात आले.
हे देखील वाचा :
- पुस्तक परीक्षण: स्टार्टअप रोडमॅप : यशस्वी उद्योजकतेचा मार्ग
- अखेर तापी मेगारिचार्ज प्रकल्पाला मध्यप्रदेश सरकारकडून मंजुरी; जळगावातील ‘हे’ तालुके सुजलाम् सुफलाम् होणार?
- सोनिया गांधींच्या राष्ट्रपतींवरील टिप्पणीने आदिवासी समाजाच्या भावना दुखावल्या !
- उद्यापासून अट्रावल येथील मुंजोबा यात्रेला सुरुवात; असे आहेत यात्रेचे वार
- PF अकाउंटमध्ये आतापर्यंत किती पैसे जमा झाले? घरीबसून अशा पद्धतीने चेक करा बॅलेंस..
