जळगाव लाईव्ह न्यूज । ४ ऑक्टोबर २०२१ । शहरातील शनीपेठ परिसरात असलेल्या दिनकर नगरातील मोहन टॉकीज जवळ राहणाऱ्या २८ वर्षीय तरुणाने राहत्या घरात गळफास घेत आत्महत्या केली. सोमवारी पहाटेच्या सुमारास हा प्रकार त्याच्या पत्नीच्या लक्षात आला. नरेश ऊर्फ बाळा रवींद्र सपकाळे असे तरुणाचे नाव आहे.
मयताचे मावस भाऊ नगरसेवक किशोर बाविस्कर यांनी दिलेल्या माहितीनुसार, दिनकर नगरातील मोहन टॉकीजजवळ नरेश ऊर्फ बाळा रवींद्र सपकाळे हा तरुण परिवारासह राहतो. त्याचे स्वतःचे ट्रॅक्‍टर असून तो त्या ठिकाणीच काम करून तो परिवाराचा उदरनिर्वाह भागवतो. रविवारीच त्याचा पगार झालेला होता.
रात्री नेहमीप्रमाणे जेवण केल्यानंतर घराशेजारी असलेल्या पार्टिशनच्या खोलीत झोपायला गेला होता. सकाळी पाच वाजेच्या सुमारास पत्नी लक्ष्मी यांनी उठून पाहिले असता नरेश याने गळफास घेतल्याचे त्यांच्या लक्षात आले. नातेवाईकांनी जिल्हा रुग्णालयात शवविच्छेदनासाठी मृतदेह आणला आहे. मयताच्या पश्चात आई, वडील, भाऊ, पत्नी, १ मुलगा, १ मुलगी असा परिवार आहे.
जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा
टेलिग्राम । फेसबुक । ट्विटर । इंस्टग्राम ।युट्युब। गुगल न्यूज
