जळगाव लाईव्ह न्यूज । १२ मार्च २०२१ । मुक्ताईनगर तालुक्यातील खामखेडा पुलाजवळ दुचाकी व ट्रकची धडक होऊन झालेल्या अपघातात २३ वर्षीय दुचाकीस्वाराचा मृत्यू झाल्याची घटना शुक्रवारी दुपारी २ वाजेच्या सुमारास घडली.
शेमळदे येथील अश्विन रवींद्र भालेराव (वय २३) हा दुचाकी (एमएच- १९, सीके- ८१३९)ने मुक्ताईनगरडे येत होता. खामखेडा पुलाजवळ समोरून येणाऱ्या ट्रक (टीएस- १६, यूसी- ४७१७)ने त्यास धडक दिली. या अपघातात अश्विन भालेराव गंभीर जखमी झाला.
जळगाव येथे उपचारासाठी नेताना त्याचा मृत्यू झाला. मृत अश्विन हा मुक्ताईनगर येथे बी. एसस्सी.च्या तृतीय वर्षाचे शिक्षण घेत होता. त्याचे वडील आर. जी. भालेराव हे रावेर पंचायत समिती, तर आई अंगणवाडी सेविका आहे.
