जळगाव लाईव्ह न्यूज । २५ जानेवारी २०२२ । रिक्षात बसलेल्या पाळीव कुत्र्यास हाकलल्याचा राग आल्यामुळे मालकाने रिक्षाचालकाच्या डोक्यात दगड मारून दुखापत केल्याचा दाखल गुन्ह्यात तब्बल साडेसहा वर्षांनंतर एमआयडीसी पोलिसांनी संशयितास सोमवारी अटक केली. गिरीश अशोक गायकवाड (रा. नवीन जोशी कॉलनी) असे अटक केलेल्या संशयिताचे नाव आहे.
६ ऑक्टोबर २०१५ रोजी गायकवाड याचा पाळीव कुत्रा सुरेश मधुकर गायकवाड यांच्या रिक्षात बसला होता. यावेळी सुरेश यांनी कुत्र्यास हाकलले. याचा राग आल्यामुळे गायकवाड याने सुरेश यांना दगड मारून दुखापत केली होती. याप्रकरणी एमआयडीसी पोलिस ठाण्यात गुन्हा दाखल झाल्यापासून गिरीश बेपत्ता झाला होता. तो एक दिवसापूर्वीच जळगावात आल्याची माहिती मिळाली. त्यानुसार पोलिस निरीक्षक प्रताप शिकारे, अतुल वंजारी, किशोर पाटील, मुकेश पाटील, सचिन पाटील यांनी त्याला नवीन जोशी कॉलनी परिसरात अटक केली.
हे देखील वाचा :
- पालजवळच्या बोरघाटात मजुरांना घेऊन येणाऱ्या पिकअपचा अपघात; एक ठार २१ जखमी
- प्रेमाच्या जाळ्यात फसवून तरुणीच्या धर्मांतराचा प्रयत्न फसला ; जळगावात दोघांवर गुन्हा दाखल
- जळगाव शहरात भीषण अपघात : दोन सख्ख्या भावांचा जागीच मृत्यू
- मुक्ताईनगरजवळ ट्रॅव्हल्स बस आणि ट्रकचा भीषण अपघात ; २ जणांचा मृत्यू, अनेक जखमी
- सुरतच्या तरुणीला लग्नाचे आमिष दाखवून जळगावातील हॉटेलमध्ये नेलं अन्.. पुढे घडलं धक्कादायक
