जम्मू काश्मीरमध्ये घुसखोरीचा प्रयत्न उधळला : 200 कोटींचे ड्रग्स जप्त, जळगावच्या जवानाचा कामगिरीत समावेश
जळगाव लाईव्ह न्यूज । १० फेब्रुवारी २०२२ । जम्मू काश्मीर सीमेवर सीमा सुरक्षा दलाचे जवानांनी नुकतेच एका ऑपरेशनमध्ये भारतात घुसखोरी करणाऱ्या 3 घुसखोरांना कंठस्थान घातले. २०० कोटींच्या ड्रग्ससह शस्त्रे पथकाने हस्तगत केली. मिशन फत्ते करणाऱ्या या पथकात जळगाव जिल्ह्यातील जवानाचा देखील समावेश होता. जळगावकरांसाठी ही अभिमानास्पद बाब आहे.
भारतात घुसखोरीच्या प्रयत्नात असलेल्या तीन घुसखोरांना भारतीय सैन्याने २१ राउंड फायर करीत कंठस्थान घातले. यावेळी त्यांच्याकडून सुमारे २०० कोटी रुपये आंतरराष्ट्रीय बाजारात किंमत असेलेले सुमारे ३६ किलो ड्रग्स, पाकिस्तानी चलन तसेच १ पिस्तुल, १ मॅगजीन व ३ राउंड जप्त केले. भारतीय सीमा सुरक्षा दल (बी.एस.एफ) यांनी ही कार्यवाही केली.
यात विशेष अभिमानाची बाब म्हणजे या कार्यवाहीत जळगाव जिल्ह्यातील देखील एका जवानाचा सहभाग होता. त्यांनी आपल्या अतुल्य पराक्रमाने या पाकिस्तानी घुसखोरांना कंठस्तान घातले. याकामगिरी बद्दल या सर्व जवानांना सैन्यदलातर्फे बक्षीस देखील जाहीर करण्यात आले आहे. त्यांच्या या कामगिरीने जिल्हावासियांची मान नक्कीच उंचावली आहे. त्यांचे या कामगीरीबद्दल सर्व स्तरातून अभिनंदन होत आहे.
(सैनिकांच्या सुरक्षतेच्या कारणास्तव आणि गोपनीयता राखण्यासाठी सदर बातमीतील नावे हटविण्यात आली आहे.)
हे देखील वाचा :
- ‘न्याय विश्वास फाउंडेशन’च्या कायदेविषयक शिबिराला उत्स्फूर्त प्रतिसाद ; ६०० हून अधिक नागरिकांनी घेतला लाभ
- पितृपक्षात अंगारकी चतुर्थी; मंगळ ग्रह मंदिरात दर्शनासाठी भाविकांनी यावे
- जळगावात रंगणार भावगीतांचा सुरेल संग्राम; २७ सप्टेंबरला ‘गोदावरी करंडक भावगीत स्पर्धा आयोजित
- गोदावरी अभियांत्रिकी महाविद्यालयाच्या यंत्र विभागाच्या विद्यार्थ्यांना प्रत्यक्ष औद्योगिक अनुभव
- दुष्काळग्रस्त भागातील विद्यार्थ्यांना संपूर्ण परीक्षा शुल्कमाफी; अभाविपच्या मागणीला यश
