जळगाव लाईव्ह न्यूज । १४ फेब्रुवारी २०२२ । गेल्या महिन्यात पार पडलेल्या बोदवड पालिकेच्या निवडणुकीत १७ पैकी ९ जागांसह बहुमत मिळवले आहे. आता १८ फेब्रुवारीला नगराध्यक्ष, उपनगराध्यक्ष निवड होणार आहे. या पार्श्वभूमीवर कोणताही धोका नको म्हणून शिवसेनेचे सर्व नगरसेवक सहलीवर रवाना झाले आहेत. दुसरीकडे ७ नगरसेवक असलेल्या राष्ट्रवादीने तूर्त ‘वेट अँड वॉच’ अशी भूमिका ठेवली आहे.
बोदवड पालिकेत १८ फेब्रुवारीला दुपारी १२ वाजता पालिकेत विशेष सभा होईल. पीठासीन अधिकारी प्रांत रामसिंग सुलाने असतील. या पार्श्वभूमीवर आमदार चंद्रकांत पाटील यांनी शिवसेनेचे सर्व ९ नगरसेवक सहलीवर रवाना केले. त्यांच्यासोबत भाजप नगरसेवकाच्या मुलाची उपस्थिती असल्याने अनेकांच्या भुवया उंचावल्या आहेत. तूर्त सईद बागवान व आनंदा पाटील या दोघांची नावे चर्चेत आहेत.
नगराध्यक्ष पदासाठी १४ फेब्रुवारीला सकाळी १० ते दुपारी २ वाजेपर्यंत अर्ज भरता येईल. नंतर छाननी होऊन वैध व अवैध उमेदवारांची नावे प्रसिद्ध होतील. १७ फेब्रुवारीला माघार घेता येईल. यानंतर १८ फेब्रुवारीला दुपारी १२ वाजता विशेष सभा होईल, त्यानंतर बोदवडला कुणाचा नगराध्यक्ष होणार हे निश्चित होणार आहे.
हे देखील वाचा :
- माझ्या सख्ख्या भाच्याला गिरीश महाजनांनी… एकनाथ खडसेंचा बॉम्बगोळाने राजकीय वर्तुळात खळबळ
- भाजपमधून शिवसेनेत उन्मेष पाटील, करण पवार कुठेय? संजय राऊत म्हणाले, ते..
- जळगावच्या राजकारणात मोठी घडामोड ; सुरेश जैन आणि संजय राऊतांची 15 मिनिटे बंद दाराआड चर्चा
- ..तर मीही अजितदादांच्या राष्ट्रवादीत येणार ; एकनाथ खडसेंच्या वक्तव्याने राजकीय वर्तुळात चर्चा
- … म्हणून राजकीय पुढाऱ्यांना बँका कर्ज देत नाही, मंत्री गुलाबराव पाटलांनी सांगितले कारण..
