जळगाव लाईव्ह न्यूज । २६ ऑक्टोबर २०२६ । गुजरातमधील सुरत मार्गे जळगाव-भुसावळ कडे सूरत-मालदा एक्सप्रेसने (Surat-Malda Express) प्रवास करणाऱ्या प्रवाशांसाठी महत्वाची बातमी आहे. सूरत ते मालदा टाउन दरम्यान धावणाऱ्या गाडी क्रमांक १३४२६ च्या प्रस्थानाच्या वेळेत बदल करण्यात आला आहे. ही गाडी आज सोमवारी, २६ ऑक्टोबर रोजी दुपारी २ वाजून २० मिनिटांनी सुटणार होती. मात्र, लिंक रेक उशिराने धावत असल्यामुळे आता ही गाडी सायंकाळी ७ वाजून ३० मिनिटांनी सुटणार आहे. त्यामुळे नियोजित वेळेनुसार प्रवासाची तयारी केलेल्या प्रवाशांनी सुधारित वेळेची नोंद घेणे आवश्यक आहे.
रेल्वे प्रशासनाने दिलेल्या सूचनेनुसार, लिंक रेक सुमारे ८ तास उशिराने धावत असल्यामुळे गाडीच्या प्रस्थानाच्या वेळेत बदल करण्यात आला आहे. यापूर्वी ही गाडी दुपारी २.२० वाजता सुटणार होती. मात्र, आता ती सायंकाळी ७.३० वाजता सुटेल.
जळगाव-भुसावळच्या प्रवाशांनी काय काळजी घ्यावी?
सूरत-मालदा टाउन एक्स्प्रेस जळगाव आणि भुसावळमार्गे धावत असल्याने या मार्गावरील प्रवाशांनीही गाडीच्या सुधारित वेळापत्रकाची खात्री करून घ्यावी. सूरत येथून गाडी उशिराने सुटणार असल्यामुळे पुढील स्थानकांवरील आगमनाच्या वेळेतही बदल होऊ शकतो. प्रवाशांनी प्रवासाला निघण्यापूर्वी रेल्वेच्या अधिकृत चौकशी प्रणालीवर गाडीची सद्यस्थिती आणि जळगाव-भुसावळ स्थानकांवरील आगमनाची अद्ययावत वेळ तपासून घ्यावी, असे आवाहन करण्यात येत आहे.
