Chalisgaon News-जळगाव लाईव्ह न्यूज । १ ऑक्टोबर २०२२ । अल्पवयीन मुलीला फूस लावून पळवून नेत तिच्यावर वारंवार अत्याचार केल्यानंतर तिने ही घटना कुणास सांगू नये, यासाठी मुलीस विष पाजून ठार मारण्याचा प्रयत्न केल्याची खळबळजनक घटना घडली आहे. या प्रकरणी मेहुणबारे पोलिस ठाण्यात एकाविरोधात गुन्हा दाखल करण्यात आला आहे.
चाळीसगाव तालुक्यातील एका गावातील अल्पवयीन मुलीस संशयित राहुल वाल्मीक अहिरे याने फूस लावून पळवून नेले. यानंतर तिच्यावर मेहुणबारे येथील कपाशीच्या शेतात घेवून जावून रात्रीच्या वेळी तिच्यावर वारंवार अत्याचार केला. दरम्यान, हा प्रकार पिडीतेने कुणास सांगू नये म्हणून तिला विष पाजून ठार मारण्याचा प्रयत्न करण्यात आला.
या प्रकरणी संशयित राहुल अहिरे याच्याविरोधात मेहुणबारे पोलिस ठाण्यात पिडीत मुलीच्या भावाच्या फिर्यादीवरुन भादवी कलम ३७६. ३७३(२) (एन) (२)(जे), ३०७, ५०६ आणि लैगीक गुन्हापासून बालकांचे संरक्षण कायदा २०१२ चे कलम ४,३(ए), ४, ५,(एल)(आर) ६ आदि कलन्वय गुन्हां दाखल करण्यात आला आहे. पुढील तपास पो.उप.निरिक्षक प्रकाश चव्हाण हे करीत आहेत. पीडितेस उपचारार्थ रूग्णालयात दाखल करण्यात आले आहे.
