जळगाव लाईव्ह न्यूज । पदवी उत्तीर्ण असलेल्या तरुणांसाठी बँकिंग क्षेत्रात नोकरी मिळविण्याची मोठी संधी चालून आली आहे. स्टेट बँक ऑफ इंडिया (SBI) मध्ये लिपिक (ज्युनियर असोसिएट) पदाच्या तब्बल १,५३८ जागांसाठी भरती प्रक्रिया सुरू झाली आहे.
या भरतीसाठी इच्छुक असलेले उमेदवार एसबीआयच्या अधिकृत वेबसाइटला भेट देऊन ऑनलाइन अर्ज प्रक्रिया पूर्ण करू शकतात. या पदांसाठी अर्ज करण्याची अंतिम तारीख २७ ऑगस्ट २०२६ आहे.
पदाचे नाव : लिपिक (ज्युनियर असोसिएट)
शैक्षणिक पात्रता : या भरतीसाठी, उमेदवारांकडे मान्यताप्राप्त विद्यापीठातून कोणत्याही विषयातील पदवी असणे आवश्यक आहे. ही पदवी ३१ डिसेंबर २०२६ पर्यंत प्राप्त केलेली असावी. अंतिम वर्ष किंवा अंतिम सत्रातील विद्यार्थी देखील अर्ज करू शकतात, परंतु त्यांना ३१ डिसेंबर २०२६ पर्यंत परीक्षा उत्तीर्ण झाल्याचा पुरावा सादर करावा लागेल.
वयोमर्यादा : वयाची गणना १ एप्रिल २०२६ रोजीच्या तारखेनुसार किमान वय २० वर्षे आणि कमाल वय २८ वर्षे आहे. ओबीसी (OBC) उमेदवारांना ३ वर्षांची, एससी (SC) आणि एसटी (ST) उमेदवारांना ५ वर्षांची, आणि दिव्यांग उमेदवारांना १० वर्षांची वयोमर्यादेत सूट दिली जाईल.
अर्ज शुल्क
अर्ज करण्यासाठी, उमेदवारांना अर्ज शुल्क भरावे लागेल. ओबीसी उमेदवारांसाठी अर्ज शुल्क ₹७५० आहे. तथापि, एससी, एसटी आणि दिव्यांग उमेदवारांना अर्ज शुल्कातून सूट आहे.
अर्ज कसा करावा?
एसबीआयच्या अधिकृत वेबसाइटला भेट द्या.
होमपेजवरील करिअर्स विभागात जा.
एसबीआय क्लर्क विशेष भरती २०२६ (SBI Clerk Special Recruitment 2026) या लिंकवर क्लिक करा.
“नवीन नोंदणी” (New Registration) वर क्लिक करून तुमची नोंदणी पूर्ण करा.
लॉगिन करा आणि अर्जामध्ये सर्व आवश्यक माहिती भरा.
तुमचा पासपोर्ट आकाराचा फोटो, सही आणि इतर आवश्यक कागदपत्रे अपलोड करा.
तुमच्या प्रवर्गानुसार अर्ज शुल्क ऑनलाइन भरा.
सर्व तपशील तपासल्यानंतर अर्ज सादर करा.
