जळगाव लाईव्ह न्यूज । २६ एप्रिल २०२१ । जवळपास ४० हजारांपेक्षा जास्त लोकसंख्या असलेल्या फैजपूर शहरात लवकरात लवकर लसिकरणाची सुविधा उपलब्ध करावी अशी मागणी माजी नगराध्यक्ष व भाजपा नेते निलेश राणे यांनी खा.रक्षा खडसे यांच्याकडे केली आहे.
शहरातील लोकांना ५ किलोमीटर अंतरावर असलेल्या न्हावी येथील ग्रामीण रुग्णालयात लसिकरणासाठी जावे लागत असल्याने अनेक हाल अपेष्टा सहन कराव्या लागतात.फैजपूर शहरात लसिकरणाची सुविधा उपलब्ध झाली तर लोकांना होणारा त्रासही वाचेल व पैसा,वेळही वाचणार आहे म्हणून फैजपूर शहरात लसिकरण केंद्र सुरू करावे अशी मागणी निलेश राणे यांनी खा.रक्षा खडसेंकडे केली आहे
