तुमच्या शहरात पेट्रोल-डिझेल किती दराने विकले जातेय? येथे दर जाणून घ्या

जळगाव लाईव्ह न्यूज । ५ जून २०२२ । भारतीय तेल कंपन्यांनी दररोजप्रमाणेच आज (रविवार) 5 जून रोजी पेट्रोल आणि डिझेलचे नवीनतम दर अपडेट केले आहेत. आज देखील पेट्रोल आणि डिझेलच्या दरात कोणताही बदल केलेला नाही. आज जाहीर झालेल्या नवीन दरानुसार जळगावात पेट्रोल ११२. १९ रु. प्रति लिटर तर डिझेल ९७.३४ रु.प्रति लिटर पर्यंत विकले जात आहे.

दरम्यान, केंद्र सरकारने पेट्रोल आणि डिझेलवरील उत्पादन शुल्क कमी केले होते. पेट्रोलवर ८ रुपये आणि डिझेलवर ६ रुपये अबकारी कर कमी करून सरकारने जनतेला मोठा दिलासा दिला आहे. यानंतर देशात डिझेल 9.50 रुपये आणि 7 रुपयांनी स्वस्त झाले. मात्र केंद्र सरकारच्या या निर्णयानंतर पेट्रोल पंप डीलर्स असोसिएशन संतप्त झाले आहे.

तेलाच्या किमती सतत स्थिर राहिल्याने आणि नंतर दर कमी केल्याने त्यांचे मोठे नुकसान होत असल्याचे पंपमालकांचे म्हणणे आहे. त्यांच्या कमिशनमध्ये कोणतीही सुधारणा झालेली नाही, त्यामुळे आर्थिक नुकसान सोसावं लागल्याचा निषेध म्हणून देशभरातील ७० हजार पेट्रोल पंप चालकांनी आज मंगळवारी ३१ मे २०२२ रोजी इंधन खरेदी न करण्याचा निर्णय घेतला आहे.

राज्याच्या प्रमुख शहरातील दर
मुंबईमध्ये पेट्रोलचा दर प्रति लिटर 111.35 रुपये तर डिझेलचा दर प्रति लिटर 97.28 रुपये इतका आहे. उपराजधानी नागपूरमध्ये पेट्रोलचा दर प्रति लिटर 111.41 रुपये तर डिझेलचा दर प्रति लिटर 95.92 रुपये इतका आहे. नाशिकमध्ये पेट्रोलचा दर प्रति लिटर 111.25 रुपये असून, डिझेलचा दर प्रति लिटर 95.73 रुपये इतका आहे. औरंगाबादमध्ये पेट्रोलचा दर प्रति लिटर 112.97 रुपये तर डिझेलचा दर प्रति लिटर 98.89 रुपये एवढा आहे. कोल्हापूरमध्ये पेट्रोलचा दर प्रति लिटर 111.02 रुपये तर डिझेलचा दर प्रति लिटर 95.54 इतका आहे. ठाण्यात पेट्रोलचा दर प्रति लिटर 110.78 रुपये असून, डिझेलचा दर प्रति लिटर 95.25 रुपये इतका आहे.

पेट्रोलियम कंपन्यांनी आज रविवारी इंधन दरात कोणताही बदल केला नाही. सलग नवव्या दिवशी पेट्रोल आणि डिझेल दर जैसे थेच आहेत. मुंबईत आज एक लीटर पेट्रोलचा भाव १११.३५ रुपये इतका आहे. दिल्लीत पेट्रोल ९६.७२ रुपये इतका आहे. कोलकात्यात १०६.०३ रुपये आणि चेन्नईत पेट्रोलचा भाव १०२.६३ रुपये झाला आहे. बंगळुरुमध्ये पेट्रोलचा भाव १०१.९४ रुपये इतका असून चंदीगडमध्ये ९६.२० रुपये इतका आहे.

जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा टेलिग्राम । फेसबुक । ट्विटर । इंस्टग्राम ।युट्युब। गुगल न्यूज