जळगाव लाईव्ह न्यूज । २२ जानेवारी २०२२ । शहरातील जिल्हाधिकारी कार्यालयाच्या आवारात असलेल्या नगर भूमापन कार्यालयातील शिपायाने कार्यालयाच्याच बाहेर बांधकाम व्यावसायिकाला बेदम मारहाण केल्याची ध्वनीचित्रफित चर्चेचा विषय झाली आहे. सहायक पोलिस अधीक्षकांनी ही चित्रफित पाहून पोलिस अधिकाऱ्यांना तिथे पाठवल्यानंतर परस्परविरोधी गुन्ह्याची नोंद केली आहे.
शहरातील बांधकाम व्यावसायिक प्रभाकर खर्चे शुक्रवारी दुपारी ७/१२ चा उतारा काढण्यासाठी नगर भूमापन कार्यालयात गेले होते. तिथे त्यांच्याकडे ५०० रुपयांची मागणी केल्याचा त्यांचा आरोप आहे. त्यावरून कार्यालयातच वाद सुरू झाला. त्याच कार्यालयातील शिपाई सचिन लक्ष्मण महाले यांच्याशी झालेल्या झटापट झाली. उपस्थित असलेल्या अन्य लोकांनी त्यांना सचिन महालेच्या तावडीतून सोडवून वाद मिटवण्याचा प्रयत्न केला. मात्र, एका उपस्थिताने या सर्व घटनांची मोबाईलमध्ये चित्रफित तयार केली आणि ती सहायक पोलिस अधीक्षक कुमार चिंथा यांना पाठवली. त्यानंतर जिल्हापेठ पोलिस ठाण्याचे निरीक्षक रामदास वाकोडे हे नगरभूमापन कार्यालयात आले. दोघांविरूद्ध अदखलपात्र गुन्ह्याची नोंद केली आहे.
हे देखील वाचा :
- पालजवळच्या बोरघाटात मजुरांना घेऊन येणाऱ्या पिकअपचा अपघात; एक ठार २१ जखमी
- प्रेमाच्या जाळ्यात फसवून तरुणीच्या धर्मांतराचा प्रयत्न फसला ; जळगावात दोघांवर गुन्हा दाखल
- जळगाव शहरात भीषण अपघात : दोन सख्ख्या भावांचा जागीच मृत्यू
- मुक्ताईनगरजवळ ट्रॅव्हल्स बस आणि ट्रकचा भीषण अपघात ; २ जणांचा मृत्यू, अनेक जखमी
- सुरतच्या तरुणीला लग्नाचे आमिष दाखवून जळगावातील हॉटेलमध्ये नेलं अन्.. पुढे घडलं धक्कादायक
