जळगाव लाईव्ह न्यूज । २४ एप्रिल २०२१ । जळगाव जिल्ह्यांतर्गत प्रवास करण्यासाठी शासनाने ई-पास बंधनकारक केला असून त्यासाठी शासनाच्या संकेतस्थळावर नोंदणी करणे आवश्यक आहे.
कालपासून संकेतस्थळ सुरू झाल्यापासून एकाच दिवसात तब्बल १ हजारावर नागरिकांनी नोंदणी केली आहे. दरम्यान, नागरिकांनी योग्य कागदपत्रे न जोडल्यास अर्ज रद्द केला जाणार असल्याची माहिती पोलीस प्रशासनाने दिली आहे.
कोरोनाच्या पार्श्वभूमीवर शासनाने लागू केलेल्या निर्बंधात अनेक अटी घालण्यात आल्या आहेत. जिल्ह्यांतर्गत प्रवास किंवा जिल्ह्याबाहेर प्रवास करण्यासाठी देखील ई-पास घेणे आवश्यक आहे. अंत्यविधी, लग्न सोहळा (कुटुंबातील नातेवाईक), वैद्यकीय कारणांसाठीच परवानगी दिली जात आहे. एका दिवसात तब्बल हजारावर अर्ज आलेले आहेत.
जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा
टेलिग्राम । फेसबुक । ट्विटर । इंस्टग्राम ।युट्युब। गुगल न्यूज
