जळगाव लाईव्ह न्यूज । १३ मार्च २०२१ । धानोरा प्रतिनिधी । गेल्या महिन्याभरापासून धानोरा गावात मच्छरांमुळे रोगराई वाढली आहे. यामुळे ग्रामस्थांमध्ये थंडीतापसारख्या आजाराला सामोरे जावे लागत आहे.
सद्यस्थितीत गावातील काही ग्रामस्थांना कोरोनाची लागण झाल्याने गावात भीतीचे वातावरण निर्माण झाले आहे. आता मच्छरांमुळे पसरणारी रोगराई डोके वर करीत आहे. यामुळे या समस्येवर प्राथमिक उपाययोजना म्हणून ग्रामपंचायत प्रशासनाने गावात मच्छर प्रतिबंधात्मक औषध फवारणी करण्याची गरज आहे.