जळगाव लाईव्ह न्यूज । १६ जून २०२२ । तुम्ही स्टेट बँक ऑफ इंडिया, एचडीएफसी बँक, कोटक महिंद्रा किंवा आयडीबीआय बँकेचे ग्राहक असाल तर तुमच्यासाठी एक आनंदाची बातमी आहे.ती म्हणजे या सर्व बँकांनी मुदत ठेवींवरील व्याजदरात वाढ केली आहे. SBI ने निवडक मुदत ठेवींच्या व्याजदरात 20 बेसिस पॉईंट्सने वाढ केली आहे, तर IDBI बँकेने मुदत ठेवींच्या व्याजदरात 25 बेस पॉइंट्सने वाढ केली आहे.
गेल्या काही दिवसापूर्वी भारतीय रिझर्व्ह बँकेने रेपो दरात 50 आधार अंकांची वाढ केली होती. तेव्हापासून अनेक बँकांनी मुदत ठेवी आणि ग्राहक कर्जाचे दर वाढवले आहेत. SBI ने 15 जूनपासून 2 कोटी रुपयांपेक्षा कमी मुदत ठेवींसाठी 0.20 टक्क्यांनी व्याजदर वाढवले आहेत. बँकेने 2 कोटी रुपयांपेक्षा जास्त असलेल्या निवडक मुदतीच्या देशांतर्गत बल्क मुदत ठेवींच्या व्याजदरात 75 बेस पॉइंट्सने वाढ केली आहे. बँकेने MCLR सुद्धा 0.20 टक्क्यांनी वाढवला आहे.
IDBI बँकेने किरकोळ मुदत ठेवींच्या व्याजदरात वाढ केली
स्टेट बँक ऑफ इंडिया व्यतिरिक्त, IDBI बँकेने 2 कोटी रुपयांपेक्षा कमी किरकोळ मुदत ठेवींवरील व्याजदरात 0.25 टक्क्यांपर्यंत वाढ केली आहे. नवीन व्याजदर १५ जूनपासून लागू झाले आहेत. IDBI बँकेने 91 दिवसांपासून सहा महिन्यांपर्यंतच्या किरकोळ मुदत ठेवींवरील व्याजदर 0.25 टक्क्यांनी वाढवून चार टक्के केला आहे. पूर्वी ते वार्षिक 3.75 टक्के दराने बँक व्याज देत होते. तीन वर्ष ते पाच वर्षांपेक्षा कमी मुदतीच्या FD वर, बँक 5.60 टक्के दराने व्याज देईल, तर पूर्वी बँक 5.50 टक्के दराने व्याज देत होती. ग्राहकाला आता पाच वर्षे ते सात वर्षांपर्यंतच्या रिटेल मुदत ठेवींवर ५.७५ टक्के व्याज मिळेल.
एचडीएफसी आणि कोटक महिंद्राही मागे नाहीत
स्टेट बँक ऑफ इंडिया आणि आयडीबीआयप्रमाणेच, एचडीएफसी बँकेनेही मुदत ठेवींवर जास्त व्याजदर जाहीर केले आहेत. HDFC बँक आता आपल्या ग्राहकांना 33 महिन्यांत मुदत ठेवींवर 6.75 टक्के आणि 99 महिन्यांच्या मुदतीच्या FD वर 7.05 टक्के व्याज देणार आहे. त्याचप्रमाणे कोटक महिंद्रा बँकेने 50 लाखांपेक्षा जास्त रकमेच्या बचत खात्यांवरील व्याजदरात 0.50 टक्क्यांनी वाढ केली आहे. आता कोटक महिंद्रा बँकेच्या ग्राहकांना, ज्यांचे बचत खाते 50 लाखांपेक्षा जास्त आहे, त्यांना 4 टक्के दराने व्याज मिळणार आहे.