⁠ 
सोमवार, मे 27, 2024

आनंदवार्ता ! सोने-चांदीने घेतली माघार, भावात झाली एवढी घसरण..

जळगावातील बातम्यांसाठी ग्रुप जॉईन करा
WhatsApp Group Join Now
Google News Join Now

जळगाव लाईव्ह न्यूज । २ मे २०२४ । मार्चनंतर एप्रिल महिन्यात सोन्यासह चांदीच्या किमतीने विक्रमी टप्पा गाठल्याने खरेदी करणाऱ्या ग्राहकांच्या तोंडचे पाणी पळाले होते. मात्र आता सोने तोंडावर आपटले तर चांदीने माघार घेतली. एप्रिल महिन्याच्या अखेरच्या आठवड्यात सोन्याला उंच भरारी घेता आली नाही. मे महिन्याच्या सुरुवातीलाच सोने आणि चांदीचे दर खाली येताना दिसत आहे. यामुळे खरेदी करणाऱ्या ग्राहकांना दिलासा मिळाला आहे. पहा आजचे भाव..

या आठवड्याच्या पहिल्या दिवशी 29 एप्रिल रोजी सोने 300 रुपयांनी घसरले. तर 30 एप्रिल रोजी त्यात बदल दिसला नाही. 1 मे रोजी सोने 1,000 रुपयांनी स्वस्त झाले. गुडरिटर्न्सनुसार, आता 22 कॅरेट सोने 65,700 रुपये प्रति 10 ग्रॅम तर 24 कॅरेट सोन्याचा भाव 71,660 रुपये प्रति 10 ग्रॅम आहे.

दुसरीकडे चांदीच्या किमतीबद्दल बोलायचं झाल्यास 29 एप्रिल रोजी किंमती स्थिर होत्या. तर 30 एप्रिल रोजी चांदी किलोमागे 500 रुपयांनी स्वस्त झाली. 1 मे रोजी त्यात तितकीच घसरण झाली. गुडरिटर्न्सनुसार, एक किलो चांदीचा भाव 83,000 रुपये आहे.