जळगाव लाईव्ह न्यूज । १४ जानेवारी २०२२ । जिल्ह्यात वाळू माफियांची मुजोरी दिवसेंदिवस वाढतच आहे. जळगाव तालुक्यातील आव्हाणे येथे गिरणा नदीपात्रात वाळू उपशाला विरोध केल्याने वाळूमाफियांनी एका शेतकऱ्याला जबर मारहाण केल्याची घटना आज सकाळी ८ वाजेच्या सुमारास घडली. मारहाणीत शेतकरी बेशुद्ध झाल्याने वाळूमाफियांनी नदीपात्रातच दोन ट्रॅक्टर सोडून पोबारा केला आहे.
आव्हाणे येथील शेतकरी मनोहर चौधरी यांचे गिरणा नदी पात्रालगत शेत आहे. वाळूमाफिया नदीपात्रातून वाळू उत्खनन केल्यानंतर वाळूने भरलेले ट्रॅक्टर तसेच डंपर त्यांच्या शेतातून नेत होते. शेतात रस्ता तयार होत असल्याने मनोहर चौधरी यांनी वाळू माफियांना विरोध केला असता वाद झाला. त्यात वाळूमाफियांनी चौधरी यांना जबर मारहाण केली. मारहाणीत चौधरी हे बेशुद्ध झाले. त्यानंतर त्यांच्या नातेवाईकांनी घटनास्थळी धाव घेतली.
आव्हाणेतील काही ग्रामस्थ देखील घटनास्थळी आले. त्यामुळे वाळूमाफियांनी गिरणा नदीपात्रात दोन ट्रॅक्टर सोडून पोबारा केला. या घटनेनंतर ग्रामस्थांनी तहसीलदार तसेच पोलीस प्रशासनाला याची माहिती देण्यात आली. त्यानंतर महसूल विभागाचे अधिकारी नदीपात्रात दाखल झाले. गेल्या काही महिन्यात वाळूमाफियांचे आपसातील वाद आणि मुजोरी वाढतच असून प्रशासनाने कठोर पाऊले उचलणे आवश्यक आहे.
हे देखील वाचा :
- एरंडोलमधील ३ कुख्यात गुन्हेगार जळगाव जिल्ह्यातून तडीपार
- सालदाराकडून वृद्ध मालकिणीचा बेल्टने गळा आवळून खून ; रावेरातील घटनेने खळबळ
- तरसोद-पाळधी बायपासवर पुन्हा भीषण अपघात; अज्ञात वाहनाच्या धडकेत दोन तरुणांचा जागीच मृत्यू
- मावशीच्या घरावरच भाच्याचा डल्ला! रावेरातील घरफोडीचा छडा; दोघे जेरबंद
- निंभोरा पोलिसांची मोठी कारवाई! तीन घरफोड्यांचा उलगडा, ५ चोरटे जेरबंद, लाखोंचा मुद्देमाल जप्त हस्तगत
