जळगाव लाईव्ह न्यूज । ११ मार्च २०२०२१ । भुसावळ तालुक्यातील शिंदी येथे राका हायस्कुलमधील शिक्षकाचा संशयास्पद मृत्यू झाल्याची घटना उघडकीला आला आहे. रुबाब ईब्राहीम तडवी (वय-५२, रा. महेलखेडी, ता.यावल, ह. मु. फालक नगर भुसावळ) असे मृत शिक्षकाचे नाव असून या प्रकरणी पोलीसात अकस्मात मृत्यूची नोंद करण्यात आले आहे.
रुबाब तडवी यांचा शिंदी गावाजवळ बुधवारी १० मार्च रोजी रात्री ८ वाजता संशयास्पद आढळून आले होते. त्यांच्या डोक्यास गंभीर दुखापत झाल्याचे दिसून आले. सदरची माहीती मिळताच शिंदी गावातील पोलीस पाटील यांनी तात्काळ घटनास्थळी धाव घेत जखमी अवस्थेत असलेले रूबाब तडवी यांना रूग्णवाहीकेव्दारे डॉ. उल्हास पाटील वैद्यकीय महाविद्यालयात दाखल करण्यासाठी रवाना केले. डोक्यास गंभीर दुखापत झाल्याने उपचारा दरम्यान त्यांचा मृत्यू झाला.
मयत तडवी यांनी मंगळवारी हायस्कुलमधुन सुटी घेतली होती. रूबाब तडवी मुळ महेलखेडी ता. यावल येथील रहिवाशी असुन मृत्यू पश्चात त्यांच्या कुटुंबात पत्नी, दोन मुल असे कुटुंब असुन, काल महेलखेळी गावात त्यांचा शोकाकुल वातावरणात दफनविधी करण्यात आला. या घटनेबाबतची नोंद भुसावळ तालुका पोलीस स्टेशनमध्ये करण्यात आली आहे.
