जळगाव लाईव्ह न्यूज । २९ मार्च २०२१ । जिल्ह्यातील कोरोनाचा विस्फोट सुरूच आहे. आज दिवसभरात तब्बल १२०५ नवे रुग्ण आढळून आले आहे. गेल्या २४ तासांत १४ जणांचा दुर्दैवी मृत्यू झाला आहे. हे दोन्ही आकडे या टप्प्यातील विक्रमी व धडकी भरविणारे आहेत.
जळगाव जिल्ह्यातील कोरोनाचा वाढता आलेख चिंता वाढविणारा आहे. साधारण फेब्रुवारीपासून संसर्ग हा वाढताच आहे. सातत्याने आकडा वाढत असून संपुर्ण जिल्हाच आता हॉटस्पॉट बनला आहे. जिल्ह्यात आतापर्यंत बाधितांची संख्या ८६ हजार ६८८ झाली आहे. त्यात एकूण ७३ हजार ६६५ रूग्ण बरे झाले आहे. जिल्ह्यात महिनाभरापासून वाढणाऱ्या संसर्गामुळे ॲक्टिव्ह रूग्णांचा आकडा देखील वाढत असून सद्यस्थितीत ११ हजार ४२६ ॲक्टीव्ह रूग्ण उपचार घेत आहेत. दरम्यान, आज पुन्हा जिल्ह्यात १४ रूग्णांचा मृत्यू झालेला असून आतापर्यंत एकूण १ हजार ५९७ रूग्णांचा मृत्यू झाला आहे.
असे आढळले रुग्ण :
जळगाव शहर २८०, जळगाव तालुका-५०; भुसावळ ३६, अमळनेर- ९३; चोपडा- ३९२; पाचोरा ३३; भडगाव ६३; धरणगाव २९; यावल २६; एरंडोल २०, जामनेर ६१; रावेर ३७, पारोळा १०; चाळीसगाव २६; मुक्ताईनगर ३०; बोदवड-१६ आणि इतर जिल्ह्यातील ०३ असे १२०५ रूग्ण आढळून आले आहेत.
