जळगाव लाईव्ह न्यूज । २५ एप्रिल २०२१ । जळगाव जिल्ह्यातील कोरोना बाधितांचा आकडा रोजच १ हजारांच्या पुढेच येत आहे. आज देखील जिल्ह्यात १ हजार ७० नवीन कोरोना रुग्ण आढळून आले आहेत. समाधानकारक बाब म्हणजे १ हजार ९७ लोकांनी कोरोनावर मात देखील केली आहे.
जळगाव जिल्ह्यात दोन महिन्यापासून रुग्णसंख्या वाढू लागली असून रोज हजार ते बाराशेवर रुग्ण संख्य समोर येत आहेत. मात्र गेल्या आठवड्यापासून रोज समोर येणाऱ्या रुग्णांची संख्या हजाराच्या आसपास स्थिर झाली आहे. रविवारी तब्बल दहा हजार १७९ चाचण्यांचे अहवाल प्राप्त झाले. त्यापैकी एक हजार ७० रुग्ण आढळल्यानंतर एकूण रुग्णसंख्या एक लाख १६ हजार ८६८ झाली. दिवसभरात एक हजार९७ रुग्ण बरेही झाले. त्यामुळे बरे होणाऱ्यांची संख्या एक लाख ३ हजार ८९१ वर पोचली आहे. जिल्ह्यातील मृत्युदर अद्यापही चिंतेची बाब आहे. गेल्या २४ तासांत आणखी २० रुग्णांचा बळी गेला. त्यामुळे बळींचा आकडा दोन हजार ७८ झाला आहे.
जळगावात दिलासा
गेल्या काही दिवसांपासून जळगाव शहराला दिलासा मिळाला आहे. रविवारी शहरात १९१ नवे रुग्ण आढळून आले. विशेष म्हणजे दिवभरात तब्बल २२० रुग्ण बरे झाले. मात्र जिल्ह्यात आज ४ जणांचा मृत्यू झाला.
जळगाव शहर- १९१, जळगाव ग्रामीण- ५७, भुसावळ-१२०, अमळनेर-१७१, चोपडा- ५५, पाचोरा- ३३, भडगाव-२१, धरणगाव- ४४, यावल- ४२, एरंडोल- ४१, जामनेर- ७७, रावेर- ४५, पारोळा- ३७, चाळीसगाव- ४७, मुक्ताईनगर- ५४, बोदवड-३१ आणि इतर जिल्हे ०४ असे एकुण १०७० बाधित रूग्ण आढळले आहे.
