जळगाव लाईव्ह न्यूज । १५ मार्च २०२१ । जिल्ह्यातील कोरोना बाधितांची संख्या काही केल्या कमी होत नाही. दिवसेंदिवस रुग्ण संख्येत वाढ होत असून आज ९९२ नव्या कोरोना बाधित रुग्णांची नोंद झाली आहे. तर आजच ७१६ रुग्ण कोरोनामुक्त झाले आहे. दरम्यान, आज ५ रुग्णांचा मृत्यू झाला आहे.
जळगाव जिल्ह्यात आता एकुण ७१ हजार ६१९ बाधित रूग्ण आढळून आले आहे. त्यापैकी ६२ हजार ३१८ रूग्ण बरे होवून घरी परतले आहे. तर ७ हजार ८५२ बाधित रूग्ण विविध कोवीड रूग्णालयात उपचार घेत आहे. दरम्यान, आज ५ बाधित रुग्णांचा मृत्यू झाला असून मृताच एकूण आकडा १४४९ इतका आहे.
आज जळगाव शहर- ४३०, जळगाव ग्रामीण-५४, भुसावळ-७३, अमळनेर-१५, चोपडा-९७, पाचोरा-२१, भडगाव-०८, धरणगाव-५०, यावल-३२, एरंडोल-२५, जामनेर-०५, रावेर-२५, पारोळा-१५, चाळीसगाव-९८, मुक्ताईनगर-२०, बोदवड-२६ आणि इतर जिल्ह्यातून १२ असे एकुण ९९२ बाधित रूग्ण आढळून आले आहे.
जळगावकरांनी लवकरात लवकर नियमांचे पालन करून कोरोनाला अटकाव करणे गरजेचे आहे. अन्यथा पुन्हा एकदा लॉकडाऊन होण्याची शक्यता आहे. जळगाव शहरात कोरोना रुग्णांची संख्या दररोज वाढत आहे. मागील काही दिवसापासून शहरात दररोज तीनशेच्या वर रुग्णांची संख्या येत होती. मात्र आज ४०० हून अधिक रुग्ण आढळून आले आहे. शहरात तीन दिवसाचा जनता कॅर्फ्यू लावून देखील कोरोनाला म्हणावे तेवढा रोखण्यात अपयश येत आहे.
