जळगाव लाईव्ह न्यूज । २४ जानेवारी २०२२ । पाचोरा जंक्शन स्टेशन वर सुपरफास्ट गाड्यांना थांबासह पीजे रेल्वे सुरू करण्याच्या मागणीसह विविध समस्यांचे निवेदन रेल्वे केंद्रीय राज्यमंत्री रावसाहेब दानवे यांना कॉंग्रेस कडुन देण्यात आले.
रेल्वे केंद्रीय राज्यमंत्री दानवे यांचा बनोटी येथे दौरा असताना हे निवेदन कॉंग्रेसचे तालुका अध्यक्ष सचिन सोमवंशी यांच्या नेतृत्वाखाली देण्यात आले. यावेळी अल्पसंख्यक जिल्हा सचिव इरफान मनियार, अमजद मौलाना व रवी पाथरवट उपस्थित होते.
या निवेदनात म्हटले आहे की, पाचोरा जंक्शन असुन पाचोरा ते जामनेर पीजे ही दोन तालुक्यातील जिव्हाळा निर्माण करणारी गाडी कोरोनाच्या नावाखाली बंद केली. पाचोरासह सोयगाव, पारोळा, भडगाव, एरंडोल, जामनेर तालुक्यातील जनतेला ये जा करावे लागते. त्यामुळे विदर्भ एक्सप्रेस, अमरावती मुंबई एक्सप्रेस, आझाद हिंद एक्सप्रेस, बॅग्लोर अहमदाबाद एक्सप्रेस, ओकाया रामेश्वर एक्सप्रेस, जबलपुर मुंबई गरीब रथ, पंजाब मेल यांना थांबा देण्यात यावा यासह भुसावळ-मुंबई पॅसेंजर, भुसावळ देवलाली शटल सुरू करुन अप-डाउन करणार्यांना तात्काळ मासिक व त्रमासिक पास द्यावी. यासह बनोटी ते पाचोरा रस्त्याचे डांबरीकरण करण्यात यावे, यासाठी संबंधित विभागांना शिफारस करण्यात यावी अशी मागणी करण्यात आली.
हे देखील वाचा :
- जमीन कर्जासाठी आता ‘एनए’ची गरज नाही! जिल्हाधिकाऱ्यांचे बँकांना स्पष्ट आदेश
- जळगावात DYSP नितीन गणापुरे यांच्या पथकाचा सट्टा-जुगार अड्ड्यांवर छापा!
- शेतकऱ्यांसाठी खुशखबर! सूक्ष्म सिंचनासाठी मिळणार ९०% पर्यंत अनुदान; अर्ज कुठे आणि कसा करायचा?
- खान्देशवासीयांसाठी आनंदवार्ता ! उधना-पुणे ‘अमृत भारत एक्सप्रेस’ला अखेर मंजुरी
- गोदावरी अभियांत्रिकी महाविद्यालयात अभियंता दिन साजरा
