जळगाव लाईव्ह न्यूज । नोकरी संदर्भ । ग्रॅज्युएशन पूर्ण झालेल्या आणि सरकारी बँकेत काम करण्याची इच्छा असलेल्या तरुणांसाठी खुशखबर आहे. कॅनरा बँकेत तब्बल ३५०० पदांसाठी भरती जाहीर करण्यात आली आहे. अप्रेंटिस पदासाठी ही भरती होणार असून यासाठी पात्र उमेदवारांना ऑनलाईन पद्धतीने अर्ज करावा लागणार आहे.
या भरतीसाठी अर्ज प्रक्रिया २३ सप्टेंबर २०२५ रोजी सुरू झाली आहे आणि उमेदवार १२ ऑक्टोबर २०२५ पर्यंत अर्ज करू शकतात. इच्छुक आणि पात्र उमेदवार अधिकृत वेबसाइटला भेट देऊन अप्रेंटिसशिपसाठी अर्ज करू शकतात.या नोकरीसाठी उमेदवारांची निवड कोणत्याही परीक्षेशिवाय होणार आहे. देशातील अनेक ब्रँचसाठी ही भरती जाहीर करण्यात आली आहे. या नोकरीसाठी उमेदवारांची निवड मेरिट बेसद्वारे केली जाणार आहे. त्यामुळे तुमच्यासाठी उत्तम संधी आहे.
पात्रता काय?
उमेदवारांकडे मान्यताप्राप्त संस्थेतून किंवा विद्यापीठातून पदवी असणे आवश्यक आहे. वयाच्या बाबतीत, किमान वयोमर्यादा २० वर्षे आणि कमाल वयोमर्यादा २८ वर्षे आहे. तथापि, नियमांनुसार राखीव प्रवर्गासाठी सूट दिली जाईल. एससी आणि एसटी उमेदवारांना कमाल ५ वर्षे, ओबीसी उमेदवारांना ३ वर्षे आणि अपंग उमेदवारांना १० वर्षांपर्यंत सूट मिळेल.
अर्ज शुल्क
अप्रेंटिसशिपसाठी अर्ज करण्यासाठी, उमेदवारांना अर्ज शुल्क देखील भरावे लागेल. सामान्य, ओबीसी आणि ईडब्ल्यूएस उमेदवारांसाठी अर्ज शुल्क ₹५०० आहे, तर एससी, एसटी आणि दिव्यांग उमेदवारांना यातून सूट आहे.
स्टायपेंड किती असेल?
निवडलेल्या उमेदवारांना प्रशिक्षण कालावधीत मासिक ₹१५,००० स्टायपेंड मिळेल. ही रक्कम थेट त्यांच्या बँक खात्यात हस्तांतरित केली जाईल. तथापि, हे स्पष्ट करण्यात आले आहे की अप्रेंटिसशिप हा एक प्रशिक्षण कार्यक्रम आहे आणि त्याचे कायमस्वरूपी नोकरीत रूपांतर होईल याची कोणतीही हमी नाही.
| भरतीची जाहिरात पाहण्यासाठी | येथे क्लीक करा |
| ऑनलाईन अर्ज करण्यासाठी | येथे क्लीक करा |
