जळगाव लाईव्ह न्यूज । ९ मार्च २०२१ । संपूर्ण जळगाव जिल्ह्यातील रस्त्यांची परिस्थिती जगजाहीर आहे. यावरून शिवसेनेने आक्रमक भूमिका घेतली आहे. बोदवड ते साळशिंगी या रस्त्याची दुरूस्ती न झाल्यास लोटांगण आंदोलन करण्याचा इशारा शिवसेनेचे पदाधिकारी विनोद पाडर यांनी दिला आहे.
याविषयी सविस्तर वृत्त असे कि, बोदवड ते साळशिंगी रस्त्यावर जागोजागी खड्डे पडल्यांमुळे वारंवार अपघात घडतात. या रस्त्याची तत्काळ दुरुस्ती करावी, यासाठी नागरिकांनी सार्वजनिक बांधकाम विभागाकडे वारंवार निवेदन दिली. मात्र, अद्यापही दखल घेतली नाही.
यामुळे याविरोधात शिवसेना पदाधिकारी विनोद पाडर यांनी आक्रमक भूमिका घेत १३ मार्च रोजी लोटांगण आंदोलन करण्याचा इशारा दिला आहे.