जळगाव लाईव्ह न्यूज । ३ मार्च २०२१ । कोंबडीचे पैसे घेण्यासाठी घरी का गेला असा जाब विचारात एका मटण विक्रेत्याला एकाने मारहाण केल्याची घटना शिरसोली रोडवरील जैन कंपनीजवळ घडली.

याबात अधिक माहिती अशी कि, रियाज खाटीक रा. शिरसोली याने लोखंडी पाईपाने मटन विक्रेता बाबु खाटीक रा. मेहरूण बेदम मारहाण करून गंभीर जखमी केल्याची घटना २ मार्च रोजी सकाळी ११ वाजता घडली.

बाबु कासम खाटी (वय-४६) रा. राम नगर, मेहरूण हा मटन विक्रेता आहे. मटनचा व्यवसाय असल्यामुळे तालुक्यातील शिरसोली येथील रियाज इलियाज खाटीक याच्याकडून कोंबडी घेत असतो. दरम्यान, २ मार्च रोजी सकाळी ११ वाजता रियाज खाटीक हा कोंबडीचे पैसे घरी गेला होता. पैस मिळाले नाही म्हणून दुपारी बाबु खाटीकच्या दुकानावर रियाज आला असता.

कोंबडीचे पैसे घेण्यासाठी घरी का गेला असा विचारल्याचा राग आल्याने रियाजने लोखंडी पाईप घेवून बाबु खाटीकच्या डोक्यात मारहाण केली. यात बाबु खाटीक गंभीर जखमी झाला. जखमीवस्थेत जिल्हा रूग्णालयात उपचारार्थ दाखल करण्यात आले होते.

याप्रकरणी एमआयडीसी पोलीस ठाण्यात रियाज खाटीक यांच्याविरूध्द गुन्हा दाखल करण्यात आला आहे. पुढील तपास पोहेकॉ जितेंद्र राठोड करीत आहे.

जळगाव लाईव्ह न्यूज । ३ मार्च २०२१ । सुप्रिम कॉलनीतून अज्ञात चोरट्यांनी ट्रक लांबविल्याची घटना सोमवारी उघडकीला आली. याप्रकरणी एमआयडीसी पोलीस ठाण्यात अज्ञात चोरट्यांविरूध्द गुन्हा दाखल करण्यात आला आहे.

याबाबत अधिक माहिती अशी की, सद्दाम हुसैन बशीर खान (वय-२९) रा. मास्टर कॉलनी हे ट्रक मालकाचे नाव आहे. त्यांच्याकडे टाटा कंपनीचा एमएच १९ जे ३३२३ हा २ लाख ५० हजारांचा ट्रक आहे. २६ फेब्रुवारी रोजी सायंकाळी ५ वाजता त्यांनी शहरातील सुप्रिम कॉलनी परीसरातील विरराम इंटरप्रायझेस कंपनीसमोरील मोकळ्या जागेवर लावला होता. १ मार्च रोजी दुपारी १२ वाजता सद्दाम हुसैन हे ट्रकजवळ गेले ट्रक चोरीस गेल्याचे लक्षात आले.

याप्रकरणी एमआयडीसी पोलीसात आज्ञात चोरट्यांविरूध्द गुन्हा दाखल करण्यात आला आहे. पुढील तपास पोलीस नाईक सचिंन मुंढे करीत आहे.

जळगाव लाईव्ह न्यूज । शहरातील सलार नगरात कुरिअर आल्याचे सांगत भरदिवसा घरातून एका भामट्याने मोबाईल लांबविला आहे. हि घटना ३ मार्च रोजी दुपारी ३.३० वाजेच्या सुमारास घडली.

याविषयी सविस्तर माहिती अशी कि, बबिता भाईमिया शेख (वय-४५) रा.सलार नगर ह्या घरात एकट्या असतांना मागच्या वाड्यात भांडे धुवत होत्या. यावेळी एक अनोळखी व्यक्ती येवून म्हणाला की, दिदी आपका कुरिअर आया है असे बोलत बोलवत तो घरात आला.

बबिता शेख यांनी आमचे कुठलेही कुरिअर वगैरे नाहीअसे सांगितल्यावर तो निघून गेला. त्यानंतर थोड्यावेळानंतर भांडे धुवून झाल्यानंतर मोबाईल पाहण्यासाठी गेले असता जागेवर मोबाईल दिसून आला नाही. त्याच भामट्याने आपला मोबाईल चोरून नेल्याचे लक्षात आल्याने त्यांनी शहर पोलीसात धाव घेतली. बबिता शेख यांच्या फिर्यादीवरून शहर पोलीसात अज्ञात व्यक्तिविरोधात गुन्हा दाखल करण्यात आला आहे.

जळगाव लाईव्ह न्यूज । भरदुपारी बंदुकीचा धाक दाखवून १५ लाख रूपयांची लुट करणारे दोन्ही भामटे हे धुळ्याचे असल्याचे पोलिसांनी शोधून काढले असून त्यांचा शोध सुरू करण्यात आला आहे.

याबाबत सविस्तर वृत्त असे की, शहरातील सिंधी कॉलनी रोडवर असणार्‍या पद्मावती मंगल कार्यालयाजवळ सोमवारी दुपारी सव्वा चार वाजेच्या सुमारास १५ लाखांची रोकड घेऊन जाणार्‍या दोघांना रिव्हॉल्व्हरचा धाक दाखवून रोकड लुटण्याची घटना घडली होती. यावेळी आरोपींसोबत झटापटीत झाल्याने त्यांनी बाईक व काडतुसांचे मॅगेझिन तिथेच सोडून पाल काढला होता. परंतु परिसरातील काही सीसीटिव्हींमध्ये हे चोरटे जेरबंद झाले होते.

हे भामटे धुळ्याचे असूनमनोज मोकळ आणि विक्की राणा असे त्याचे नाव असल्याची माहिती मिळाली आहे. पोलिसांनी या दोघांचा माग काढण्यासाठी विशेष पथक कामावर लावले आहे. यात ते धरणगावमार्गे अमळनेरकडे निघून गेल्याचे दिसून आले आहे.