जळगाव लाईव्ह न्यूज । यावल प्रतिनिधी । यावल चोपडा रोडवर असलेल्या अकसानगर वसाहतीतुन स्विफ्ट कारमध्ये येऊन बकऱ्या चोरणाऱ्या भामट्यास पकडण्यात आले आहे.
या संदर्भात अधिक माहीती अशी की, यावल शहरातील अक्सानगर परिसरातुन आज सोमवार दि. १ मार्च रोजी दुपारी १ वाजेच्या सुमारास एमपी ०९ जीके ९४५३या स्विफ्ट कारमधून ईम्रान रफीक पठाण (वय ४८ वर्ष राह. ईन्दौर मध्य प्रदेश) हा चार बकऱ्या गाडीच्या डिकीत भरून चोरून घेवुन जात होता. या बकऱ्यांची अंदाजित किंमत ४५ हजार रुपये आहे. अक्सानगर परिसरातुन अजुन काही बकऱ्या चोरीच्या प्रयत्नात असतांना सर्तक व जागृत नागरिकांना तो आढळुन आलेल्याने परिसरातील नागरीकांनी त्यास रंगेहाथ पकडुन त्यास चांगला चोप दिला.
वृत्त कळताच तात्काळ दखल घेत पोलीस उपनिरिक्षक जितेन्द्र खैरनार, कर्मचारी असलम रवान, भुषण चव्हाण यांनी घटनास्थळी भेट दिली व बकऱ्या चोरी करणाऱ्या ईम्रान रफीक पठाण यास वाहनासह ताब्यात घेतले आहे. घटना स्थळावरून दोन जणं फरार होण्यात यशस्वी झाले. सदरच्या या बकऱ्या फैजपुर परिसरातुन चोरून आणल्याचा संशय व्यक्त करण्यात येत आहे.