जळगाव लाईव्ह न्यूज । १४ मार्च २०२१ । शहर मनपातील राजकारण चांगलेच तापले असून नगरसेवक फुटीच्या भीतीने सत्ताधारी भाजप गोटात चांगलीच तारांबळ उडाली आहे. जळगावात सांगली पॅटर्न यशस्वी होऊ न देण्यासाठी जिल्ह्याचे नेते माजी मंत्री आ.गिरीष महाजन तात्काळ मुंबई रवाना झाल्याची माहिती सूत्रांनी दिली आहे.

जळगाव मनपावर सेनेचा महापौर निवडून आणण्यासाठी शिवसेनेसह आघाडीकडून नवीन डाव खेळला जात आहे. भाजपचे २५ पेक्षा जास्त नगरसेवक तळाला लागले असल्याचे सेना नेत्यांनी स्पष्ट केले असल्याने भाजपच्या गोटात खळबळ उडाली आहे. काल सायंकाळी माजी मंत्री आ.गिरीष महाजन यांच्या कार्यालयावर असलेले भाजप नगरसेवक आज चक्क नॉट रीचेबल असल्याने चांगलाच गोंधळ उडाला आहे. जळगावात मंत्री जयंत पाटलांचा सांगली पॅटर्न यशस्वी होतो की काय? या भीतीने सायंकाळपासून भाजपच्या अनेक छुप्या बैठका सुरू होत्या. रात्री माजी मंत्री आ.गिरीष महाजन तात्काळ विमानाने मुंबई रवाना झाले आहे. तत्पूर्वी त्यांनी विमानतळावर बराच वेळ स्थानिक नेते आणि पदाधिकाऱ्यांशी चर्चा केल्याची माहिती सूत्रांनी दिली आहे.

भाजप-सेनेच्या या डावात कोण यशस्वी होतो हे येत्या २ दिवसात स्पष्ट होणारच आहे मात्र जळगावकर कोणत्या परिस्थितीतून जात आहे याची एकही राजकारण्याला चिंता नाही हे मात्र निश्चित आहे.

हे देखील वाचा :

नाथाभाऊंचा गिरीशभाऊंना दे धक्का? महापालिकेतील काही नगरसेवक ‘नॉट रिचेबल’

महापौर निवडणुकीत ट्विस्ट : शिवसेनेने दाखल केला उमेदवारी अर्ज

जळगाव मनपातील सत्तांतरच्या चर्चा ‘फुसका फटका’

गिरीषभाऊ… महापौर बदलाचा जुगार खेळू नका !

जळगाव लाईव्ह न्यूज । १४ मार्च २०२१ । शहर मनपात महापौर, उपमहापौर निवडीवरून सध्या चर्चा रंगत असून रविवारी नवीनच चर्चा सुरू झाली आहे. भाजपचे काही नगरसेवक भुर्रर्र झाले असून मनपात सत्तांतर होणार असल्याचे बोलले जात आहे. दरम्यान, सत्तांतरच्या बातम्या निव्वळ फुसका फटका असून सोलापूर पॅटर्न शिवसेनेला जळगावात शक्य नसल्याचे भाजप महानगर जिल्हाध्यक्ष दीपक सूर्यवंशी यांनी जळगाव लाईव्ह न्यूजशी बोलतांना स्पष्ट केले.

जळगाव मनपात भाजपचे एकहाती बळ असून शिवसेनेचे सदस्य कमी आहेत. भाजपचा महापौर आणि उपमहापौर बिनविरोध होऊ नये यासाठी शिवसेनेकडून मुद्दाम वातावरण निर्मिती केली जात आहे. महापौर पदासाठी इच्छुकांना माजी मंत्री आ.गिरीष महाजन यांनी शब्द दिलेला आहे. इच्छुकांना कमी-अधिक कालावधीसाठी महापौर पद देण्यात येणार असल्याचे त्यांना अगोदरच कळविण्यात आले आहे, त्यामुळे कुणीही कुठेही जाण्याची शक्यता नाही. पक्षात काही नाराज असू शकतात परंतु सत्तांतर होणे शक्य नाही.

महापौर निवड १८ रोजी होणार असून महापौर भाजपाचाच होणार असल्याचे दीपक सूर्यवंशी यांनी सांगितले. दरम्यान, गेल्या वेळी महापौर निवडीप्रसंगी आणि स्थायी समिती निवडीला देखील शिवसेनेने आमचाचा सदस्य विराजमान होणार अशा चर्चा पसरवल्या होत्या परंतु भाजपच्याच हाती पद कायम राहिले, असेही ते म्हणाले.

हे देखील वाचा :

नाथाभाऊंचा गिरीशभाऊंना दे धक्का? महापालिकेतील काही नगरसेवक ‘नॉट रिचेबल’

जळगाव मनपातील सत्तांतरच्या चर्चा ‘फुसका फटका’

गिरीषभाऊ… महापौर बदलाचा जुगार खेळू नका !