जळगाव लाईव्ह न्यूज । ३० मार्च २०२१ । तालुक्यातील दापोरा येथील तरुणाने धावत्या रेल्वेखाली स्वतःला झोकून देत आत्महत्या केल्याची घटना सोमवारी सायंकाळी ७ वाजेच्या सुमारास घडलीय.विशाल शांताराम पवार (वय-२७) असे आत्महत्या केलेल्या तरुणाचे नाव असून याप्रकरणी पोलीसात अकस्माम मृत्यूची नोंद करण्यात आली आहे.

दापोरे पो. शिरसाळा येथे विशाल पवार (वय-२७) हा आपल्या आई व बहिणीसह राहतो. शिक्षणासह आईसोबत मोलमजुरी करून कुटुंबाचा उदरनिर्वाह करतो. गेल्या अनेक दिवसांपासून कर्जबाजारीतून तो तणावात होता. दरम्यान, २९ मार्च रोजी सायंकाळी ७ वाजता बाहेर जावून येतो असे सागून दुचाकीने घराबाहेर पडला. शिरसोली व दापोरे दरम्यानच्या परिसरात दुचाकी लावून त्याने धावत्‍या रेल्वेखाली येवून आत्महत्या केली.

गँगमन पांडे यांनी तत्काळ रेल्वे स्टेशन मास्तर यांना सांगितले. घटनास्थळी तालुका आणि एमआयडीसी पोलीस कर्मचारी यांनी धाव घेतली. मयताच्या खिश्यातील कागदपत्रांमुळे ओळख पटली. शेवटचे वृत्त हाती आले तेव्हा जिल्हा शासकीय वैद्यकीय महाविद्यालयात शवविच्छेदन करून मृतदेह नातेवाईकांच्या ताब्यात देण्यात आला आहे.

जळगाव लाईव्ह न्यूज । ३० मार्च २०२१ । जळगाव शहरातील फळ गल्ली परिसरात लॉकडाऊनचे चित्रीकरण करणाऱ्या न्यूज पोर्टलच्या पत्रकाराचा मोबाईल आणि कॅमेरा घेऊन दुचाकीस्वार तिघांनी पळ काढल्याची घटना सोमवारी दुपारी घडली. याप्रकरणी शहर पोलिसात गुन्हा दाखल करण्यात आला आहे. दरम्यान, कंजरवाडा समोर मुख्य रस्त्यावर देखील एका पत्रकाराचा मोबाईल हिसकावून दुचाकीस्वारांनी पळ काढल्याची घटना घडली.

शेरा चौकातील रहिवासी अल्ताफ इस्माईल शेख वय-३० वर्षे हे क्राईम नोट या साप्ताहीक वृत्तपत्र व युटुबच्या न्यूज चॅनेलला रिपोर्टर म्हणुन काम करतात. दि.२९ रोजी दुपारी ४.१५ च्या सुमारास ते पत्रकार तन्वीर पिंजारी यांच्यासह साने गुरुजी चौकातील फळ गल्लीत  लॉकडाऊन बाबतचा आढाव्याचे मोबाईलने चित्रीकरण करीत होते.

मोबाईलला सपोर्ट म्हणुन त्यांनी तन्वीर पिंजारी यांचा फोटो काढण्याचा कॅमेरा डाव्या हातात पकडलेला होता. काळ्या रंगाच्या दुचाकीवर आलेल्या तिघांनी अल्ताफच्या हातातील मोबाईल आणि कॅमेरा हिसकावून टॉवर चौकाकडे पळ काढला. दोघांनी धावत जात दुचाकीचा पाठलाग केला परंतु ते पळून जाण्यात यशस्वी ठरले. दुचाकींचा क्रमांक ३३१२ इतकाच दिसला असून चोरटे सीसीटीव्ही कॅमेऱ्यात कैद झाले आहे. याप्रकरणी शहर पोलिसात गुन्हा दाखल करण्यात आला असून तपास पोलीस निरीक्षक भिमराव नांदूरकर करीत आहे.

जळगाव लाईव्ह न्यूज । २९ मार्च २०२१ । शिवाजी नगर हुडको परिसरातील घरफोडीच्या प्रयत्नात असलेल्या व एक महिन्या पासून फरार असलेल्या आरोपीस पोलिसांनी सापळा रचून ताब्यात घेतले आहे. जुबेर शेख भिकन उर्फ डबल (वय 20 रा. गेंदालाल मील) असे अटक करण्यात आलेल्या आरोपीचे नाव आहे.

घरफोडीच्या प्रयत्नात असलेल्या जुबेर शेखल हा दिल्लीगेट लक्ष्मी नगर परिसरात आल्याची माहिती शहर पोलिस स्टेशनचे पोलिस हवालदार अक्रम शेक, पोलिस नाईक भास्कर ठाकरे यांना मिळाली होती. त्यांनी सदर भागात सापळा रचून त्याला ताब्यात घेतले त्याच्याविरुद्ध गुन्हा दाखल करण्यात आला आहे. पुढील तपास पोलीस हवालदार विजय निकुंभ करीत आहे.