जळगाव लाईव्ह न्यूज । २५ जानेवारी २०२२ । चोपडा येथील भाजपचे माजी शहराध्यक्ष नरेंद्र साहेबराव पाटील यांच्या शहरातील घरी उभ्या असलेल्या चारचाकी वाहनाची मागील काच अज्ञात व्यक्तींनी फोडल्याची घटना २३ रोजी घडली. या प्रकाराची चौकशी करण्याची मागणी भाजपच्या पदाधिकाऱ्यांनी शहर पोलिसांकडे निवेदनाद्वारे केली आहे.
भाजपचे माजी शहराध्यक्ष नरेंद्र पाटील यांचे शहरातील पुंडलिक नगरमधील राहत्या घरी २३ रोजी रात्री कार उभी हाेती. महिंद्रा कंपनीच्या या चारचाकी गाडी (एमएच १९, ३४९३) ची अज्ञात व्यक्तींनी मागील काच फोडून नुकसान केले आहे. दरम्यान, त्यांच्यासह त्यांच्या कुटुंबीयांवर दहशत निर्माण व्हावी, या हेतूने हा प्रयत्न केल्याचे निवेदनात म्हटले आहे. नुकसान करणाऱ्याचे उद्दिष्ट काय? याचा विस्तृत तपास करावा व दोषींना कठोर शासन करावे, यासाठी भारतीय जनता पक्षातर्फे निवेदन देण्यात आले. तसेच पोलिसांनी चौकशी करावी, अशी मागणी करण्यात आली आहे. निवेदनावर शहराध्यक्ष गजेंद्र जैस्वाल, जीवन पाटील, तुषार पाठक आदींच्या स्वाक्षऱ्या आहेत.
हे देखील वाचा :
- पालजवळच्या बोरघाटात मजुरांना घेऊन येणाऱ्या पिकअपचा अपघात; एक ठार २१ जखमी
- प्रेमाच्या जाळ्यात फसवून तरुणीच्या धर्मांतराचा प्रयत्न फसला ; जळगावात दोघांवर गुन्हा दाखल
- जळगाव शहरात भीषण अपघात : दोन सख्ख्या भावांचा जागीच मृत्यू
- मुक्ताईनगरजवळ ट्रॅव्हल्स बस आणि ट्रकचा भीषण अपघात ; २ जणांचा मृत्यू, अनेक जखमी
- सुरतच्या तरुणीला लग्नाचे आमिष दाखवून जळगावातील हॉटेलमध्ये नेलं अन्.. पुढे घडलं धक्कादायक
