जळगाव लाईव्ह न्यूज । ५ जुलै २०२५ । मध्य रेल्वेने भुसावळ – पंढरपूर दरम्यान दोन विशेष अनारक्षित रेल्वे फेऱ्यांची घोषणा केली आहे. ही गाडी शनिवार ५ जुलैला दुपारी १.३० वाजता भुसावळ जंक्शनवरून सुटणार आहे.
भुसावळ जंक्शनवरून पंढरपूरसाठी विशेष गाडी सोडली जाणार आहे. गाडी क्रमांक ०११५९ (भुसावळ- पंढरपूर अनारक्षित विशेष) ही गाडी ५ जुलै रोजी दुपारी १.३० वाजता भुसावळ येथून सुटेल आणि दुसऱ्या दिवशी पहाटे ३.३० वाजता पंढरपूर येथे पोहोचेल. तसेच परतीच्या प्रवासात ही गाडी ०११६० पंढरपूर -भुसावळ अनारक्षित विशेष गाडी ६ जुलै रोजी रात्री १०.३० वाजता पंढरपूर येथून सुटेल आणि दुसऱ्या दिवशी दुपारी १ वाजता भुसावळ येथे पोहोचेल.
ही गाडी जळगाव, पाचोरा, चाळीसगाव, नांदगाव, मनमाड, कोपरगाव, बेलापूर, अहिल्यानगर, दौंड आणि कुर्दुवाडी या स्थानकांवर थांबणार आहे. यामुळे प्रवाशांना सुविधा होणार आहे.
