जळगाव लाईव्ह न्यूज । ८ जुलै २०२२ । तुम्ही जर HDFC, ICICI आणि Axis बँकेचे ग्राहक असाल तर ही बातमी तुमच्यासाठी आहे. या बँकांबाबत केंद्र सरकारने मोठी घोषणा केली आहे. ती म्हणजे संरक्षण मंत्रालयाने एचडीएफसी बँक, आयसीआयसीआय बँक आणि अॅक्सिस बँक या खासगी क्षेत्रातील तीन बँकांना मोठी जबाबदारी दिली आहे. या तिन्ही बँका आता परदेशातील खरेदीसाठी लेटर ऑफ क्रेडिट आणि थेट बँक हस्तांतरण व्यवसाय प्रदान करू शकतील. आत्तापर्यंत फक्त सरकारी बँकांनाच हा अधिकार होता, मात्र आता या तीन खासगी बँकांनाही हे अधिकार मिळणार आहेत.
खासगी बँकांना मोठे अधिकार मिळाले
ही पहिलीच वेळ आहे जेव्हा सरकारने खाजगी क्षेत्रातील तीन बँकांना परदेशातील खरेदीसाठी आर्थिक सेवा पुरवण्याची परवानगी दिली आहे. सरकारचे असे मत आहे की या बँकांना भांडवल आणि महसुलाच्या बाजूने एक वर्षाच्या कालावधीसाठी 2000 कोटी रुपयांचे पतपत्र जारी करण्याची परवानगी दिली जाऊ शकते.
संरक्षण मंत्रालयाने जाहीर केले
याची घोषणा करताना संरक्षण मंत्रालयाने सांगितले की, निवडक बँकांना 2,000 कोटी रुपयांच्या लेटर्स ऑफ क्रेडिट व्यवसायासाठी मान्यता दिली जाऊ शकते. यामध्ये सर्व बँका एका वर्षासाठी भांडवल आणि महसूल या दोन्ही आघाड्यांवर ६६६ कोटी रुपये देऊ शकतात. संरक्षण मंत्रालयाच्या म्हणण्यानुसार, या बँकांच्या कामगिरीवर नियमितपणे लक्ष ठेवले जाईल जेणेकरून गरजेनुसार पुढील कारवाई करता येईल.