जळगाव लाईव्ह न्यूज । २ मे २०२४ । गोदावरी अभियांत्रिकी महाविद्यालय येथे एम्बेडेड हब सेल व लॅबचे उद्घाटन करण्यात आले तसेच यावेळी एम्बेडेड कार्यशाळेचे आयोजन करण्यात आले होते. प्राचार्य डॉ. विजयकुमार पाटील, इलेक्ट्रोसॉफ्ट टेक्नॉलॉजीज् चे संस्थापक सीईओ श्री निलेश वाघ आणि श्री राजेश ठाकरे यांच्या हस्ते एम्बेडेड हब सेल आणि एम्बेडेड हब लॅबचे उद्घाटन करण्यात आले.यावेळी प्रा. हेमंत इंगळे (अधिष्ठाता), एम्बेडेड हब कार्यक्रम समन्वयक प्रा. विजय डी चौधरी (अभियांत्रिकी) आणि प्रा. कृष्णा पाटील (तंत्रनिकेतन) तसेच प्रा. तुषार कोळी (समन्वयक, आयक्यूएसी), प्रा. अतुल बर्हाटे (कन्व्हेनर, आयआययसी), प्रा. दिपक झांबरे (समन्वयक तंत्रनिकेतन) आणि महाविद्यालयातील प्राध्यापक वृंद व सर्व विभागातील विद्यार्थी हे उपस्थित होते.
समन्वयक प्रा. विजय डी चौधरी यांनी प्रास्ताविक करताना एम्बेडेड हबची एकल कल्पना, दृष्टिकोन आणि विशिष्ट साध्य तसेच संक्षिप्त उद्दिष्टे स्पष्ट केली.उद्घाटनपर भाषणात निलेश वाघ यांनी एम्बेडेड हब स्थापित करण्यामागील हेतू तसेच त्यात विद्यार्थ्यांना होणारे फायदे विषद करीत विद्यार्थ्यांनी कोडींग कौशल्याचा सराव केल्यास त्यांचा आत्मविश्वास वाढण्यासोबतच नवनिर्मितीची विचार क्षमता वाढेल. तसेच त्यांनी स्वयंचलित पी एल सी ऑटोमेशन आणि त्याचे प्रोग्रामिंग कौशल्य यावर प्रकाशझोत दिला शिवाय पी एल सी ऑटोमेशन प्रोग्रामिंग कौशल्य शिकवलेे. राजेश ठाकरे, संस्थापक सीईओ इलेक्ट्रोसॉफ्ट टेक्नॉलॉजीज् जळगाव, यांनी एम्बेडेड प्रोसेसर ची प्रोग्रामिंग, त्याचे प्रशिक्षण आणि कार्यशाळा याचे महत्त्व विशद केले आणि नोकरीच्या संधी संशोधन आणि विकास या क्षेत्रामध्ये कशा मिळवाव्यात बद्दलचे मार्गदर्शन केले.
![News2 | Jalgaon Live News](https://jalgaonlive.news/wp-content/uploads/2024/05/News2-1024x572.webp)
गरजेचे प्रोग्राम कोडींग चे कौशल्य आत्मसात करून एम्बेडेड प्रणाली कशा विकसित होऊ शकतात तसेच त्यांनी ऑर्डिनो मायक्रोकंट्रोलर आणि रास्पबेरी पाय प्रोसेसर प्रोग्रामिंग इंटरफेस याबद्दलचे प्रात्यक्षिक करून दाखविले. तसेच, प्राचार्य डॉ. विजयकुमार पाटील यांनी त्यांच्या मार्गदर्शनात विद्यार्थ्यांना सुनिश्चित केले की एम्बेडेड हब अंतर्गत प्रात्यक्षिक ज्ञान मिळेल व त्यांनी विद्यार्थ्यांना, एम्बेडेड हब या प्रक्रियेचा भाग व्हावे आणि प्रत्येक विद्यार्थ्याने या क्षेत्रामध्ये निष्णात व्हावे असे सुचित केले.
कार्यक्रमाचे सूत्रसंचालन सुहास सोळंके आणि सेजल सातव (द्वितीय वर्ष ) यांनी केले.गोदावरी फाउंडेशनचे अध्यक्ष डॉ. उल्हास पाटील, डॉ. वर्षा पाटील (सचिव), डॉ. केतकी पाटील (सदस्य), डॉ. वैभव पाटील (डीएम कार्डिओलॉजी) यांनी कार्यक्रमाच्या यशस्वी आयोजनाबद्दल कौतुक केले व सहभागी विद्यार्थ्यांना शुभेच्छा दिल्या. कार्यक्रमाच्या यशस्वीतेसाठी प्राचार्य डॉ. विजयकुमार पाटील, प्रा. हेमंत इंगळे (अधिष्ठाता) यांचे मार्गदर्शन लाभले. प्रा. पूजा दुबे, प्रा. धनश्री पवार (तंत्रनिकेतन) तसेच प्रा. हेमराज व्ही धांडे, प्रा. महेश एन पाटील (अभियांत्रिकी) यांचे सहकार्य लाभले.