जळगाव लाईव्ह न्यूज । १३ मे २०२१ । यावल तालुक्यातील थोरगव्हाण येथील तापी नदीच्या पात्रातून अवैधरीत्या वाळू वाहतूक रोखण्यासाठी तहसिलदार यांनी विशेष गस्त पथके नियुक्त केली आहे. यामुळे वाळू वाहतुकरणा-यामधे खळबळ उडाली आहे.
सविस्तर असे की यावल तालुक्यात थोरगव्हाण, पथराडे, शिरागड येथुन मोठ्या प्रमाणात तापी नदीतुन खुलेआम अवैध मार्गाने वाळूचा उपसा करून मोठ्या प्रमाणावर वाहतूक होत असून अवैध वाळूची वाहतूक सुरूच होती. उलट पक्षी कार्यवाही करण्या-या पथकावर वाळू माफियांचे हल्ले झाल्याचे देखील घटना घडल्या आहेत.
दरम्यान चार दिवसापुर्वी अवैध वाहतुकीचे ट्रक्टर पकडण्यासाठी जाणा-या महसूल विभागाचे मनवेल येथील तलाठी स्वन्पिल तायडे याच्या अंगावर टँक्टर त्याच्या पायावरून गेल्याने त्याचा पायास गंभीर दुखापत करण्यात आली. असल्यामुळे अखेर तहसिलदार महेश पवार यांनी तात्काळ या घटनेची दक्षता घेत नाकाबंदी केली असून अवैध वाळू रोखण्यासाठी एक विशेष पथक तयार केले. थोरगव्हाण गावातील मुख्य वाळूची चोरटी वाहतुक रोखण्यासाठी तलाठी मुकेश तायडे, कोतवाल धनराज महाजन, होमगार्ड कैलास लावणे या पथकांनची नियुक्ती करण्यात आली आहे.
