जळगाव लाईव्ह न्यूज । २३ ऑगस्ट २०२२ । भारतात अशी अनेक ठिकाणे आहेत, जिथे देशविदेशातील पर्यटक दर्शनासाठी येतात. बहुतेक लोकांना नवीन ठिकाणी फिरायला आवडते. आज आम्ही तुम्हाला भारतातील अशा काही ठिकाणांबाबत सांगणार आहोत जेते परदेशी पर्यटक देखील भेट देतात. या पर्यटन स्थळांवर तुम्ही नद्या, धबधबे, पर्वत आणि समुद्रकिनारे यांच्या सुंदर दृश्याचा आनंद घेऊ शकता. यासोबतच या ठिकाणी गेल्यावर तेथील खाद्यपदार्थ, संस्कृती आणि राहणीमानाचीही माहिती मिळते. तर चला जाऊन घेऊयात पर्यटकांच्या आकर्षणाचे केंद्र असलेल्या भारतातील अद्भुत ठिकाणांबद्दल..
औली (Auli)
उत्तराखंडमध्ये असलेल्या औलीला मिनी स्वित्झर्लंड म्हणतात. औलीचे सौंदर्य प्रत्येक पर्यटकाच्या मनात घर करून जाते. जर तुम्ही अजून औलीला गेला नसेल तर तुम्ही औलीला नक्की भेट द्या. काही पर्यटक तर औलीला पृथ्वीवरील स्वर्ग म्हणतात. औलीच्या दऱ्या, धबधबे, नद्या आणि उंच पर्वत पर्यटकांना त्यांच्याकडे आकर्षित करतात.
लडाख (Ladakh)
भारताच्या उत्तरेला असलेला लडाख हा शब्द ऐकला की, बाईक राइड, संस्कृती, सौंदर्य, तलाव आणि वादी यांचे चित्र डोळ्यासमोर येते. तुम्ही अजून लडाखला गेला नसाल तर नक्की जा. लडाखला भेट देण्यासाठी देश-विदेशातून पर्यटक येतात. येथे एकापेक्षा एक प्रेक्षणीय स्थळे आहेत. लडाखच्या पॅंगॉन्ग लेक आणि लेह पॅलेसला भेट द्यायची प्रत्येकाला इच्छा असते. येथील स्वादिष्ट खाद्यपदार्थ आणि तिबेटी संस्कृती पर्यटकांना खूप आकर्षित करते.
गोवा (Goa)
भारतात वसलेले गोवा हे असे ठिकाण आहे जिथे देश-विदेशातून मोठ्या संख्येने पर्यटक येतात. प्रत्येकाला इथली मजा लुटायची असते. येथील रात्रीचे जीवन पर्यटकांना खूप आकर्षित करते. दूरवर पसरलेला समुद्रकिनारा आणि गोव्यातील एकापेक्षा जास्त प्रेक्षणीय स्थळे पर्यटकांना येथे येण्यास भाग पाडतात. प्रत्येकाला इथे जाऊन मजा करायची असते. गोव्यात आल्यावर लोकांना सीफूड खायलाही आवडते.
उटी (Ooty)
दक्षिण भारतातील तमिळनाडूमध्ये स्थित असलेल्या उटीला हिल स्टेशनची राणी म्हटले जाते. उटी हे निलगिरी टेकड्यांमध्ये वसलेले आहे. येथे मोठ्या संख्येने पर्यटक भेट देण्यासाठी येतात. उटीचे तलाव, धबधबे, चहाच्या बागा आणि सौंदर्याने भरलेल्या बागा खूप आवडतात. पर्यटकांच्या आकर्षणाचे केंद्र असलेल्या उटीमध्ये अनेक पर्यटन स्थळे आहेत.
माउंट अबू (Mount Abu)
राजस्थानच्या सिरोही जिल्ह्यात असलेले माउंट अबू हे हिल स्टेशन पर्यटकांना खूप आवडते. माउंट अबू हे अरवली डोंगरावर आहे. इथे सगळीकडे हिरवळ आहे. येथील तलावात बोटिंग पर्यटकांना खूप आवडते. माउंट अबू हे समुद्रसपाटीपासून १२२० मीटर उंचीवर वसलेले आहे. पर्यटक येथे सुंदर दृश्ये आणि अद्भुत हवामानाचा आनंद घेतात.
नैनिताल (Nainital)
उत्तराखंडमध्ये असलेले नैनिताल देश-विदेशातील पर्यटकांना खूप आवडते. येथील तलावात पर्यटक बोटिंगचा आनंद घेतात. उन्हाळ्यात नैनितालमध्ये पर्यटकांची वर्दळ असते. नैनितालची उंची समुद्रसपाटीपासून सुमारे 1938 मीटर आहे. नैनितालमध्ये अनेक सुंदर पर्यटन स्थळे आहेत. येथे तुम्ही हवाई रोपवेचाही आनंद घेऊ शकता.
