जळगाव लाईव्ह न्यूज । २१ जून २०२२ । गेल्या काही दिवसापासून राज्यातील वातावरण प्रचंड ढवळून निघाले होते. शिवसेनेत उभी फूट पडल्यानंतर मुख्यमंत्री उद्धव ठाकरे यांनी राजीनामा दिला होता. गुरुवारी देवेंद्र फडणवीस यांनी पत्रकार परिषद घेत एकनाथ शिंदे हे महाराष्ट्राचे नवीन मुख्यमंत्री होणार असल्याचे जाहीर केले. तसेच स्वतः मंत्रिमंडळात सहभागी होणार नसल्याचे फडणवीस यांनी जाहीर केले. महाराष्ट्र राज्यातील मविआ आघाडीची सत्ता उलथवून टाकत शिवसैनिक म्हणून मुख्यमंत्रीपदी विराजमान होणार असलेले एकनाथ शिंदे यांची मूळ ओळख काय आणि धर्मवीर आनंद दिघे आणि त्यांचा संबंध कसा? हे सांगणारा हा लेख.
राज्यसभा पाठोपाठ विधान परिषदेत भाजपने महाविकास आघाडीला (Mahavikas Aghadi) धोबीपछाड दिला आहे. विधानपरिषदेत भाजपचे सगळे ५ उमेदवार निवडणूक आले आहे. तर महाविकास आघाडीचे ६ पैकी ५ उमेदवार निवडणूक आले आहे. सर्वात महत्वाचे म्हणजे या निवडणुकीत शिवसेनेचा विजय झाला असला तरी काही आमदार फुटले. शिवसेनेचे पक्षप्रमुख तथा राज्याचे मुख्यमंत्री उद्धव ठाकरे (Chief Minister Uddhav Thackeray) यांचे निकटवर्तीय आणि आघाडीतील महत्वाचे नेते एकनाथ शिंदे (Eknath Shinde) नाराज असल्याचे समोर आले. त्यानंतर एकनाथ शिंदे थेट गुजरातमधील सुरतमध्ये पोहोचले. एकनाथ शिंदे यांच्यासोबत आज ५२ आमदार होते. धक्कादायक म्हणजे, विधान परिषदेत मतदान सुरू असताना एकनाथ शिंदे यांनी आमदारांची जुळवाजुळव सुरू केली होती. सर्व आमदारांना शिंदेंनी फोन केला होता.
गेले आठ दिवसापासून सुरु असलेल्या सत्तानाट्याचा शेवट मुख्यमंत्री उद्धव ठाकरे यांच्या राजीनाम्याने झाला. उद्धव ठाकरे यांनी राजीनामा देताच मविआ सरकार देखील कोसळले. हिंदुत्वाच्या मुद्द्यावरून एकनाथ शिंदे गट शिवसेनेबाहेर पडला होता. उद्धव ठाकरे मविआ बाहेर पडल्याने अखेर एकनाथ शिंदे हे भाजपच्या सहकार्याने मुख्यमंत्री म्हणून आज दि.३० जून रोजी शपथ घेणार आहेत.
कोण आहेत एकनाथ शिंदे?
दरम्यान, या घडामोडीनंतर राज्यातील राजकारण खळबळ उडाली आहे. १३ हुन जास्त आमदारांना सोबत घेऊन जाणारे एकनाथ शिंदे हे नेमके कोण आहेत, हे जाणून घेऊया.. एकनाथ शिंदे यांचा जन्म ९ फेब्रुवारी १९६४ रोजी झाला आणि ते सध्याच्या राज्यातील महाविकास आघाडी सरकारचे नगरविकास मंत्री आहेत. एकनाथ शिंदे हे सुरुवातीपासूनच शिवसेनेशी संबंधित असून ते सध्या ठाण्यातील पाचपाखाडी विधानसभा मतदारसंघातून आमदार आहेत. ते 2004, 2009, 2014 आणि 2019 मध्ये सलग 4 वेळा महाराष्ट्र विधानसभेवर निवडून आले आहेत. एकनाथ शिंदे हे मुख्यमंत्री उद्धव ठाकरे यांचे निकटवर्तीय मानले जायचे आणि त्यांना ‘आनंद दिघे’चे निष्ठावंत म्हटले जायचे.
हे देखील वाचा : स्व.आनंद दिघे आणि मंत्री एकनाथ शिंदे यांचे नाते काय?
1980 मध्ये शिवसेनेत प्रवेश केला
शिवसेनाप्रमुख बाळासाहेब ठाकरे यांचा १९७०-८० च्या दशकातील महाराष्ट्रातील इतर तरुणांप्रमाणेच एकनाथ शिंदे यांच्यावर मोठा प्रभाव होता. 1980 च्या दशकात त्यांनी शिवसेनेत प्रवेश केला आणि किसन नगरचे शाखाप्रमुख म्हणून त्यांची नियुक्ती झाली. तेव्हापासून ते सामाजिक आणि राजकीय प्रश्नांवर पक्षाच्या अनेक आंदोलनांमध्ये आघाडीवर होते.
2004 मध्ये पहिल्यांदा विधानसभेत पोहोचलो
1997 मध्ये ठाणे महापालिका निवडणुकीत शिवसेनेने एकनाथ शिंदे यांना नगरसेवकपदाचे तिकीट दिले आणि ते प्रचंड बहुमताने विजयी झाले. 2001 मध्ये त्यांची ठाणे महापालिकेत सभागृह नेतेपदी निवड झाली आणि 2004 पर्यंत ते या पदावर राहिले. 2004 मध्ये एकनाथ शिंदे यांना बाळासाहेब ठाकरे यांनी ठाणे विधानसभा निवडणूक लढवण्याची संधी दिली आणि ते प्रचंड बहुमताने विजयी झाले.
हे देखील वाचा : भाजपचा मास्टर स्ट्रोक : धर्मवीरांचे एकनाथ शिंदे होणार महाराष्ट्राचे नवे मुख्यमंत्री
2014 मध्ये विधिमंडळ पक्षाचे नेते निवडले
एकनाथ शिंदे यांची २००५ साली शिवसेना ठाणे जिल्हाप्रमुख पदावर नियुक्ती झाली होती. त्यानंतर 2009, 2014 आणि 2019 च्या विधानसभा निवडणुकीत ते विजयी झाले. 2014 च्या निवडणुकीनंतर, एकनाथ शिंदे यांची शिवसेनेच्या विधिमंडळ पक्षनेतेपदी आणि नंतर महाराष्ट्र विधानसभेतील विरोधी पक्षनेतेपदी निवड झाली.
अन् आघाडी सरकारमध्ये एकनाथ शिंदे मंत्री झाले
यानंतर शिवसेना राज्य सरकारमध्ये सामील झाल्यावर एकनाथ शिंदे यांनी सार्वजनिक बांधकाम विभाग (सार्वजनिक उपक्रम) मंत्री म्हणून शपथ घेतली. यानंतर त्यांनी आरोग्य आणि कुटुंब कल्याण मंत्रालयाची अतिरिक्त जबाबदारी स्वीकारली.
