जळगाव लाईव्ह न्यूज | २८ एप्रिल २०२२ । येथील जिल्हा हौशी स्क्वॅश असोसिएशनतर्फे २८ एप्रिल ते १ मे दरम्यान स्क्वॅश खेळाचे मोफत प्रशिक्षण शिबिराचे आयोजन करण्यात आले आहे. या शिबिरात १० ते २५ वर्षे वयोगटातील मुले व मुलींना प्रशिक्षण देण्यात येणार आहे.
सदर प्रशिक्षण शिबिर एकलव्य क्रीडा संकुल येथील एकलव्य स्क्वॅश कोर्ट येथे आयोजित करण्यात आले आहे. या शिबिरात जिल्ह्यातील जास्तीत जास्त खेळाडू विद्यार्थ्यांनी सहभाग नोंदवावा, असे आवाहन जिल्हा हौशी स्क्वॅश असोसिएशनचे सचिव डॉ. श्रीकृष्ण बेलोरकर यांनी केले आहे.
