जळगाव लाईव्ह न्यूज । १० फेब्रुवारी २०२२ । अमळनेर येथील जुन्या पोलिस लाईन जवळ अवैधरीत्या वाहनात गॅस भरताना कार पेटल्याची घटना मंगळवारी घडली. या घटनेत एक जण जखमी झाला असून गॅस भरणाऱ्याविरुद्ध गुन्हा दाखल करण्यात आला आहे. ११२ क्रमांकावर कॉल करून नागरिकांनी पोलिसांना माहिती कळवली होती.
पोलिस मिलिंद भामरे व सुनील पाटील घटनास्थळी पोहोचले. त्यांनी चौकशी केली असता अनिल सुरेश चौधरी हा अवैधरीत्या ओम्नी वाहनामध्ये गॅस भरत असताना सिलिंडरचा स्फोट झाला. यात विनोद जानकीराम पारधी हे जखमी झाले.
चौकशी केली असता अनिल सुरेश चौधरी हा जय बिजासन माता स्वीट मार्टमध्ये अवैधरीत्या गॅस सिलिंडर बाळगून चारचाकी वाहनांमध्ये रिफिलिंग करत असल्याचे समोर आले. त्यामुळे अमळनेर पोलिस ठाण्यात त्याच्याविरुद्ध गुन्हा दाखल करण्यात आला.
हे देखील वाचा:
- समाजाच्या सर्वांगीण विकासासाठी काम करणे हेच शासनाचे ध्येय; पालकमंत्री गुलाबराव पाटील
- कर्जबाजारीपणा अन् नैराश्यातून अमळनेरातील तरुण शेतकऱ्याने उचललं धक्कादायक पाऊल
- जागतिक फोटोग्राफी दिनानिमित्त जळगाव पोलिसांची पत्रकारांसाठी छायाचित्र स्पर्धा
- शालार्थ आयडी घोटाळ्याप्रकरणी जामनेरचे भाजप नेते संजय गरुडांना अटक ; जळगाव शिक्षण वर्तुळात खळबळ
- जळगावात चातुर्मास पर्वाला आजपासून प्रारंभ
