जळगाव लाईव्ह न्यूज । २३ जानेवारी २०२२ । भारतीय जनता पार्टी व बेटी बचाव बेटी पढाओ अभियानांतर्गत सावदा येथे नुकताच अभियानाच्या सातव्या वर्धापनदिनानिमित्त कन्यापुजन तसेच मान्यवरांचा सत्कार समारंभ आयोजीत करण्यात आला. यावेळी बालीकांच्या हस्ते मान्यवरांचा सत्कार करण्यात आला.
याप्रसंगी महामंडलेश्वर स्वामी जनार्दन हरी महाराज यांनी महिलांना सन्मान दिल्यास आयुष्यात सुख समाधान येत असल्याचे नमुद केले तसेच महिला सन्मानासाठी फक्त चर्चा नव्हे तर कृती हवी असे खडे बोल सुनावले तसेच ई श्रम कार्डचे वाटप करण्यात आले. यावेळी प्रास्ताविक बेटी बचाओ बेटी पढाओ अभियानाच्या जिल्हा संयोजक सारीका चव्हाण यांनी केले. तालुका अध्यक्ष राजन लासुरकर व महिला आघाडी अध्यक्षा रेखाताई बोंडे यांनी मनोगत व्यक्त केले. सरचिटणीस महेश अकोले यांनी सुत्र संचालन केले.
कार्यक्रमास पंचायत समिती सभापती कविताताई कोळी, भाजप युवा मोर्चाचे अध्यक्ष महेंद्र पाटील, नगराध्यक्ष राजेंद्र चौधरी, सावदा शहर अध्यक्ष जितेंद्र भारंबे, माझी सावदा शहर अध्यक्ष पराग पाटील, व्यापारी आघाडी उपाध्यक्ष गजानन भार्गव, सरचिटणीस संतोष परदेशी, सर्वेश लोमटे व भाजप कार्यकर्त्ये व जनसमुदाय उपस्थित होते.
हे देखील वाचा :
- उज्ज्वल निकमांच्या उमेदवारीवर पुतणे रोहित निकमांची प्रतिक्रिया ; म्हणाले मी लोकसभा..
- खुशखबर! तीन अनारक्षित विशेष रेल्वे गाड्या धावणार ; भुसावळ, जळगाव येथे असेल थांबा
- जळगाव आणखी तापणार! उद्यापासून तापमान वाढीचे संकेत, ‘या’ तारखेपासून पावसाची शक्यता
- महिला डॉक्टरसोबत रुग्णालयातीलच कर्मचाऱ्याने केला विनयभंग ; गुन्हा दाखल
- शरद पवारांच्या जळगाव जिल्ह्यात तीन सभा होणार ; कुठे आणि कधी??