जळगाव लाईव्ह न्यूज । १७ जानेवारी २०२२ । यावल येथे एका अज्ञात वाहनाच्या धडकेत बेशुद्धावस्थेतील जखमी गायीवर तरूणांच्या पुढाकाराने उपचार झाले. नंतर गायीला गोशाळेत पाठवण्यात आले. असून, तरुणांनी दाखवलेल्या सतर्कतेमुळे गायीला जीवदान मिळाले. या तरुणांच्या पुढाकाराचे शहारत कौतुक होत आहे.
शहरात मोकाट गुरांचा वावर वाढला आहे. मोकाट गुरांमुळे रहदारीला मोठ्या प्रमाणात अडचण निर्माण होते. काहीवेळा या गुरांना वाहनांची धडक बसते. अशाच एका अज्ञात वाहनाच्या धडकेत गाय गंभीर जखमी झाली होती. जखमी अवस्थेत ही गाय फैजपूर रस्त्यालगत असलेल्या पेट्रोल पंपाच्या मागे व्यासनगरात बेशुद्धावस्थेत पडून होती. बबलू येवले, श्रीयुक्त वाणी या युवकांचे लक्ष गायीकडे गेले. त्यांनी डॉ. विवेक अडकमोल यांना याबाबत माहिती दिली. डॉ.अडकमोल यांनी गायीवर मोफत उपचार केले. त्यामुळे गायीची प्रकृती सुधारल्याने गायीला राहुल कोळी, हर्षल ठाकरे या तरूणांच्या पुढाकाराने अंजाळे येथील गोशाळेत पाठवण्यात आले.
हे देखील वाचा :
- साडेपाच हजार वर्षांचा इतिहास असलेले यावलचे महर्षी व्यास मंदिर; वाचा काय आहे अख्यायिका…
- यावल-सावखेडा मार्गावर धोकादायक फांद्या छाटा व फलक लावा; ॲड. देवकांत पाटलांची PWD कडे मागणी
- यावल आयटीआयमध्ये विविध पदांसाठी भरती; ३१ जुलैपर्यंत अर्ज करण्याची संधी
- पंढरपूर वारीवरून परतणाऱ्या यावल तालुक्यातील भाविक महिलेचा एसटीच्या धडकेत मृत्यू
- यावल येथे स्व.अजितदादा पवार यांच्या प्रथम जयंतीनिमित्त अभिवादन व प्रतिमा पूजन
