जळगाव लाईव्ह न्यूज । २६ डिसेंबर २०२१ । जिल्ह्यात घरफोडीचे प्रमाण दिवसेंदिवस वाढत असल्याचे दिसून येतेय. अशात अज्ञात चोरट्यांनी अमळनेर शहरात एकाच रात्री तीन मेडिकल दुकान फोडून दुकानातील रोख रक्कम लंपास केल्याची घटना शुक्रवारी मध्यरात्री घडली.
या घटनेत दत्त हाउसिंग सोसायटीमधील बालरोगतज्ज्ञ डॉ. विशाल बडगुजर यांचे उत्कर्ष मेडिकलचा कडी-कोयंडा तोडून १४ हजार ५०० रुपये रोख, विजय मारुती समोरील बालरोगतज्ज्ञ डॉ. विनोद पाटील यांच्या हॉस्पिटलमधील जय योगेश्वर मेडिकलचा कडी-कोयंडा तोडून ३ हजार ४०० रुपये रोख तर तहसील कचेरी समोरील डॉ. किरण बडगुजर यांच्या हॉस्पिटलमधील स्वर्णिका मेडिकलचे लॉक तोडून ७ हजार ८०० रुपये रोख चोरट्यांनी चोरून नेले आहेत.
या घटनेत तीन चोरटे सीसीटीव्ही कॅमेऱ्यात कैद झाले असून यात तोंड झाकलेले तीन चोरटे दुकानात शिरलेले स्पष्टपणे दिसत आहेत. याचे फुटेज पोलिसांनी ताब्यात घेतले आहे. याबाबत तिन्ही दुकानांच्या मालकांनी अमळनेर पोलिसांत दिलेल्या तक्रारीवरून गुन्हा दाखल झाला आहे.
हे देखील वाचा :
- चोपड्यात अमली पदार्थांवर पोलिसांचा दणका; ७ किलो गांजासह तीन तस्करांना अटक!
- जळगावात अज्ञात वाहनाच्या धडकेत दुचाकीस्वाराचा जागीच मृत्यू
- भडगाव हादरले ! दारूच्या पैशांवरून पत्नीची निर्घृण हत्या, आरोपी पती अटकेत
- भुसावळातील माजी सैनिकाची १० लाखांची फसवणूक; सायबर ठगांनी असा लावला चुना?
- पंढरपूर वारीवरून परतणाऱ्या यावल तालुक्यातील भाविक महिलेचा एसटीच्या धडकेत मृत्यू
