जळगाव लाईव्ह न्यूज । ५ ऑगस्ट २०२५ । उत्तराखंडमधील उत्तरकाशी जिल्ह्यातील गंगोत्री धामच्या धाराली येथे ढगफुटीची मोठी दुर्घटना घडली. या ढगफुटीचा काळजाचा ठोका चुकवणारा व्हिडिओ व्हायरल झाला आहे, ज्यात ढगफुटीमुळे डोंगराचा ढिगारा गावात शिरला अन् काही सेकंदात होत्याच नव्हतं झालं. अवघ्या २० सेकंदात सर्व काही उद्ध्वस्त झाले. यामध्ये चार जणांना मृत्यू झाला असून ५० पेक्षा जास्त लोक बेपत्ता झाल्याची शक्यता आहे.
उत्तराखंडच्या उत्तरकाशीमधीलगंगोत्री धाम आणि मुखवा जवळील धराली गावात ढगफुटीमुळे एक नाला तुडुंब भरून वाहू लागला. नाल्याचे पाणी डोंगरावरून सखल भागांकडे वेगाने वाहत होते, ज्यामुळे अनेक घरे पूर्णपणे उद्ध्वस्त झाली आहेत. उत्तरकाशीचे डीएम प्रशांत आर्य म्हणाले की, या अपघातात आतापर्यंत चार जणांचा मृत्यू झाला आहे आणि मालमत्तेचे बरेच नुकसान झाले आहे. ढगफुटीनंतर परिसरात ५० हून अधिक लोक बेपत्ता असल्याची माहिती आहे.
उत्तराखंड में बड़ी आपदा –
— Sachin Gupta (@SachinGuptaUP) August 5, 2025
उत्तरकाशी के धराली में बादल फटा, बड़ी संख्या में लोगों के लापता होने की सूचना आ रही है। इस Video को देखकर नुकसान का अंदाजा लगा सकते हैं। pic.twitter.com/WmpxDWBeLd
धारली हा उत्तरकाशीतील हर्षिल खोऱ्याचा एक भाग आहे. गंगोत्रीला जाणाऱ्या लोकांसाठी ही दरी एक महत्त्वाची थांबा आहे. समुद्रसपाटीपासून ते ९,००५ फूट (२,७४५ मीटर) उंचीवर आहे आणि नैसर्गिक सौंदर्यासाठी प्रसिद्ध आहे. धारली हे हर्षिल आणि गंगोत्री दरम्यान आहे. ते हर्षिलपासून ७ किमी अंतरावर आहे. त्याच वेळी, धारली हे जिल्हा मुख्यालय उत्तरकाशीपासून ७९ किमी अंतरावर आहे. उत्तरकाशीहून येथे पोहोचण्यासाठी २:३०-३ तास लागतात.
धारली येथे झालेल्या ढगफुटीमुळे २० ते २५ हॉटेल्स आणि होमस्टे उद्ध्वस्त झाल्याचे सांगण्यात येत आहे. ५ हॉटेल्स पूर्णपणे उद्ध्वस्त झाली आहेत. धारली बाजारपेठेचे पुरामुळे मोठे नुकसान झाले आहे. पुरामुळे आणलेला कचरा सर्वत्र दिसत आहे. लोक घरे सोडून सुरक्षित ठिकाणी जात आहेत.
धाराली गावात झालेल्या विध्वंसाच्या घटनेनंतर, एनडीआरएफ, एसडीआरएफ आणि पोलिस-प्रशासनाच्या तुकड्या गावाकडे रवाना झाल्या आहेत
