जळगाव लाईव्ह न्यूज । १२ मार्च २०२१ । वरणगाव शहरातील नारीमळ्यातील रहिवाशी असलेल्या तरुणाचा भोगावती नदीपात्रात मृतदेह आढळून आल्याने खळबळ उडाली आहे. विजय एकनाथ माळी (२८) असे मृत तरुणाचे नाव असून याबाबत अकस्मत मृत्युची नोंद करण्यात आली.
याबाबत पोलीसानी दिलेल्या माहितीनुसार, शहरातील नारी मळा येथील चांभारवाड्यातील रहिवाशी विजय माळी हा तरूण मंगळवारी कामावर गेला. परंतु तो बुधवारच्या दुपारपर्यत घरी परत आला नसल्याने त्याची आई वडिलाना काळजी वाटल्याने हरविल्या बाबत पोलीस स्टेशनला खबर देण्यासाठी बस स्थानक चौकात आले होते.
त्यांना ओळखीच्या व्यक्तीकडून तुमचा मुलगा रिक्षात बसुन कामावर जात असल्याचे सागीतल्याने ते घरी परत आले. थोड्यावेळाने मयत विजयचा चुलत भाऊ बळीराम माळी यांच्या मोबाईलवर त्यांच्या मित्राने संपर्क साधुन तुझा भाऊ आठवडे बाजारा जवळील पुलाजवळ मृत अवस्थेत असल्याची खबर मिळताच नातेवायीकाणी घटनास्थळी जाऊन खातरजाम करण्यासाठी गेले असता त्या मृतदेहाच्या शरिरावरील खुणा, उजव्या हातावर विजय नाव असे गोधलेले असल्याने त्याची खात्री झाल्याने मृतदेह शवविच्छेदना साठी ग्रामीण रुग्णालयात नेले.
मयत विजय घरात एकुलता एक मुलगा होता. याबाबत वरणगाव पोलीस स्टेशनला बळीराम विश्वानाथ माळी याच्या खबरीवरूण अकस्मत मृत्युची नोंद करण्यात आली असून घटनेचा पुढील तपास पो हे कॉ मजहर पाठण, नागेंद्र तायडे हे करीत आहे.
