जळगाव लाईव्ह न्यूज । ११ मार्च २०२१ । लंडन येथील यॉर्क विद्यापीठात आयोजीत आंतरराष्ट्रीय प्रदर्शन व व्याख्यानमालेत जळगावच्या गांधी रिसर्च फाऊंडेशनने सक्रिय सहभाग नोंदवला.
महात्मा गांधी यांनी दांडी यात्रा काढून १२ मार्च १९३० रोजी मीठाचा सत्याग्रह सुरू केला. ही घटना शतकी वर्षाकडे वाटचाल करीत आहे. या औचित्याने लंडन येथील यॉर्क युनिव्हर्सिटीमध्ये आंतरराष्ट्रीय प्रदर्शन व व्याख्यानमाला आयोजीत करण्यात आली होती. या उपक्रमासाठी छायाचित्रे व दस्तावेज गांधी फाऊंडेशनमार्फत पुरविण्यात आला.
फाऊंडेशनचे के. प्रो. गीता धरमपाल आणि संपादक डॉ. आश्‍विन झाला यांनी दांडी यात्रा व मीठाच्या सत्याग्रहाचे वैश्‍विक प्रभाव याबद्दल ऑनलाइन मार्गदर्शन केले. या प्रदर्शनाकरिता यॉर्क युनिव्हर्सिटीचे प्रो. माइल्स टेइलरयांनी जानेवारी २०२० मध्ये जळगाव येथील गांधी रिसर्च फाउंडेशनला भेट दिली होती. त्या दरम्यान संग्रहालय आणि अभिलेखागाराचे अवलोकन केल्यानंतर गांधी रिसर्च फाउंडेशनला त्यांच्या आंतरराष्ट्रीय कार्यक्रमात सहभागी होण्याकरिता आवाहन केले होते.
