जळगाव लाईव्ह न्युज | ७ एप्रिल २०२२ | उन्हाळा हंगाम सुरू आहे. यंदा मार्च महिन्यापासूनच उकाडा प्रचंड वाढला आहे. यामुळे पर्यटक थंड ठिकाणी वळू लागले आहे. तुम्हीही कमी खर्चात एखादे चांगले ठिकाण शोधत असाल तर तुमचा शोध इथेच संपू शकतो. कारण इथे आम्ही तुम्हाला उन्हाळ्यात भेट देण्याच्या पाच स्वस्त आणि चांगल्या थंड ठिकाणांबद्दल सांगत आहोत.
उत्तराखंडमधील नैनिताल (Nainital) :
उत्तराखंडमधील नैनिताल शहर आपल्या सौंदर्य आणि हवामानासाठी प्रसिद्ध आहे. तलावांच्या या शहरात तुम्ही तुमच्या सहलीचे नियोजन करू शकता. येथे तुम्हाला 1 हजार रुपयांपासून ते 3 हजार रुपयांपर्यंतची हॉटेल्स मिळतील. त्याचबरोबर 3-4 जणांचा रोजचा खाण्यापिण्याचा खर्चही 1 हजार ते 1500 रुपयांच्या आसपास येतो. जर तुम्हाला हॉटेलमध्ये राहायचे नसेल, तर तुम्हाला येथे होम स्टेचीही सुविधा मिळते, जिथे तुम्ही ५०० ते एक हजार रुपयांमध्ये राहू शकता.
औली (Auli) :
औली हे उत्तराखंडच्या गढवाल प्रदेशातील बद्रीनाथ धामजवळ घनदाट जंगले, पर्वत आणि मखमली गवताने भरलेले एक अतिशय सुंदर आणि थंड ठिकाण आहे. हिवाळ्यात येथे बर्फवृष्टीचा आनंद लुटता येतो. देशातील सर्वात नवीन आणि आधुनिक बर्फ स्कीइंग केंद्र देखील आहे. येथे तुम्हाला 2500 ते 4000 च्या दरम्यान हॉटेल्स मिळतील. येथून नंदादेवी, हाथी गौरी पर्वत, नीलकंठ, ऐरावत पर्वताची हिरवळ पाहता येते.
कासोल (Kasol) :
कासोल हिमाचल प्रदेशातील कुल्लू जिल्ह्यात आहे. पार्वती नदीच्या काठावर वसलेले कसोल हे गाव तरुणांमध्ये प्रसिद्ध आहे. याला मिनी इस्रायल असेही म्हणतात. येथून तुम्ही खीरगंगा, मलाणा, मणिकरण आणि तोशला भेट देऊ शकता. कसोलच्या चार ते पाच दिवसांच्या सहलीसाठी सुमारे 10,000 रुपये मोजावे लागतील.
धर्मशाळेला (Dharamshala) :
तुम्ही हिमाचल प्रदेशातील धर्मशाळेला भेट देण्याची योजना देखील करू शकता. कांगडा जिल्ह्यात असलेल्या धर्मशाळेत तुम्ही सुंदर पर्वतांचा आनंद घेऊ शकता. जर तुम्हाला साहसाची आवड असेल तर तुम्ही ट्रेकिंग करू शकता. मॅक्लिओड गंज, नड्डी व्ह्यूपॉईंट, त्रिंड, धरमकोट अशी आकर्षणाची केंद्रे आहेत. धर्मशाळेच्या २-३ दिवसांच्या टूरमध्ये सुमारे ५ हजार रुपये खर्च येणार आहेत.
किन्नौर (Kinnaur) :
तुम्ही हिमाचल प्रदेशातील किन्नौरला जाऊ शकता. साहसप्रेमींसाठी हे एक योग्य ठिकाण आहे. हा सुंदर परिसर चित्कुल भारतातील शेवटचे गाव आणि सुंदर सांगला व्हॅलीसाठी ओळखला जातो. नाको गाव, रकचम, सांगला व्हॅली, चितकुल, कल्पा आणि रेकॉंग पीओ ही किन्नौरमधील काही प्रेक्षणीय ठिकाणे आहेत. तुमच्या 6-7 दिवसांच्या ट्रिपमध्ये येथे 15 हजार रुपये खर्च होऊ शकतात.
