जळगाव लाईव्ह न्यूज । १९ एप्रिल २०२२ । दुचाकीने बैलगाडीला मागून धडक दिल्यामुळे झालेल्या अपघातात, बाप लेकीचा जागीच मृत्यू झाला, तर दुचाकीवरील अन्य दोनजण गंभीर जखमी झाले. सोमवारी सायंकाळी ६ वाजेच्या सुमारास हा अपघात झाला.
अधिक माहिती अशी की, प्रभाकर रघुनाथ सूर्यवंशी (वय ३५, रा. पिंपळगाव, ता. शिंदखेडा, जि.धुळे) हे पत्नी ममता सूर्यवंशी व दोन्ही मुले नायरा व मोहीत यांच्यासोबत धरणगावहून चोपडा चौफुली मार्गाने अमळनेरकडे दुचाकीने जात होते. वाटेत रोटवद गावाजवळ अंधारात बैलगाडी न दिसल्याने, त्यांची दुचाकी (एम.एच १८, एव्ही ५८११) बैलगाडीवर मागून आदळली. या अपघातात प्रभाकर सूर्यवंशी व त्यांची मुलगी नायरा सूर्यवंशी (वय ७) या बाप लेकीचा जागीच मृत्यू झाला. तर त्यांच्या पत्नी ममता सूर्यवंशी व मुलगा मोहीत सूर्यवंशी हे जखमी झाले. जखमींना धरणगाव येथील ग्रामीण रुग्णालयात दाखल केले आहे.
जळगाव लाईव्ह न्यूजचे अपडेट्स मिळवण्यासाठी आम्हाला फॉलो करा
टेलिग्राम । फेसबुक । ट्विटर । इंस्टग्राम ।युट्युब। गुगल न्यूज
